കിടങ്ങൂര്‍ ലയണ്‍സ് ക്ലബ്ബിന്റെ ക്രിസമ്‌സ്-പുതുവത്സരാഘോഷ പരിപാടികള്‍ ലയണ്‍സ് ക്ലബ്ബ് ഹാളില്‍ നടന്നു. ക്ലബ്ബ് പ്രസിഡന്റ് ലയണ്‍ മാത്യു വര്‍ഗീസിന്റെ അദ്ധ്യക്ഷതയിലാണ് സമ്മേളനം നടന്നത്. ഫസ്റ്റ് വിഡിജി എം.ജെ.എഫ് ലയണ്‍ കെ.ജെ തോമസ് ഐപിഎസ് മുഖ്യാതിഥിയായിരുന്നു. സെക്രട്ടറി ലയണ്‍ ഷീലാ ജിജി, അഡ്മിനിസ്‌ട്രേറ്റര്‍ ലയണ്‍ ഷാജി എബ്രാഹം, സോണ്‍ ചെയര്‍മാന്‍ ലയണ്‍ ജോസഫ് ടി.എല്‍, എം.ജെ.എഫ് ലയണ്‍ തോമസ് മുളയ്ക്കല്‍, ലയണ്‍ ശ്രീജിത് നമ്പൂതിരി, തുടങ്ങിയവര്‍ പ്രസംഗിച്ചു. മുഖ്യമന്ത്രിയുടെ പോലീസ് മെഡല്‍ നേടിയ കിടങ്ങൂര്‍ ലയണ്‍സ് ക്ലബ്ബ് അംഗവും, ശാന്തപാറ സിഐ യുമായ ലയണ്‍ അനില്‍ ജോര്‍ജ്ജിനെ ചടങ്ങില്‍ ആദരിച്ചു. എസ്എസ്എല്‍സി, പ്ലസ് ടു പരീക്ഷകളില്‍ ഫുള്‍ എ പ്ലസ് നേടിയ വിദ്യാര്‍ത്ഥികളെ പുരസ്‌കാരം നല്‍കി ആദരിച്ചു. മരണമടഞ്ഞ ക്ലബ്ബംഗങ്ങളുടെ ഛായാചിത്ര അനാശ്ചാദനവും നടന്നു.
.webp)
0 Comments