മൃതദേഹം കണ്ടെത്തി

ഈരാറ്റുപേട്ടയില്‍ നിന്നും മീനച്ചിലാറ്റില്‍ കാണാതായ വൃദ്ധയുടെ മൃതദേഹം കിടങ്ങൂരില്‍ കണ്ടെത്തി. കിടങ്ങൂര്‍ പാലത്തിന് അടിയിലെ മാലിന്യക്കൂമ്പാരത്തില്‍ കുടുങ്ങിയ നിലയിലായിരുന്നു മൃതദേഹം. ഈരാറ്റുപേട്ട തടിക്കപറമ്പില്‍ നസീബയെയാണ് ജൂണ്‍ 1ന് വൈകിട്ട് മുതല്‍ മീനച്ചിലാറ്റില്‍ കാണാതായത്. സ്‌കൂബ ടീം അടക്കം 3 ദിവസത്തോളം തെരച്ചില്‍ നടത്തിയ ശേഷം തെരച്ചില്‍ അവസാനിപ്പിക്കുകയായിരുന്നു. ചൊവ്വാഴ്ച  വൈകിട്ട് 4 മണിയോടെയാണ് മൃതദേഹം കിടങ്ങൂരില്‍ കണ്ടെത്തിയത്. കിടങ്ങൂര്‍ പോലീസും ഈരാറ്റുപേട്ടയില്‍ നിന്നെത്തിയ നന്‍മക്കൂട്ടം പ്രവര്‍ത്തകരും ചേര്‍ന്ന് മൃതദേഹം പുറത്തെടുത്തു.