.jpg)
കോട്ടയം മെഡിക്കല്‍ കോളജിന് മികച്ച പ്രസവ ചികിത്സ കേന്ദ്രത്തിനുള്ള കേന്ദ്ര സര്‍ക്കാരിന്റെ ലക്ഷ്യ സര്‍ട്ടിഫിക്കറ്റ് ലഭിച്ചു. കേരളത്തില്‍ കോഴിക്കോട്, കോട്ടയം മെഡിക്കല്‍ കോളജ് കള്‍ക്ക് മാത്രമാണ് അംഗീകാരം ലഭിച്ചത്. 96 ശതമാനം സ്‌കോര്‍ കോഴിക്കോടിനും 87% സ്‌കോര്‍ കോട്ടയം മെഡിക്കല്‍ കോളജിനും ലഭിച്ചതായി ആരോഗ്യ മന്ത്രി വീണാ ജോര്‍ജ്ജ് അറിയിച്ചു. നിലവാരമുള്ള പ്രസവ ചികിത്സ, അണുബാധ കുറയ്ക്കുക, പരാമവധി പ്രസവശസ്ത്രക്രീയ ഒഴിവാക്കുക, പ്രസവ സമയത്തെ മെച്ചപ്പെട്ട സംരക്ഷണം, പ്രസവാനന്തര പരിചരണം ഗുണഭോക്താക്കളുടെ സംതൃപ്തി, ലേബര്‍ റൂമുകളുടേയും ഗര്‍ഭിണികള്‍ക്കുമുള്ള ശസ്ത്രക്രീയാ തീയ്യേറ്ററിന്റെ ഗുണനിലവാരം എന്നിവയെല്ലാം സാധ്യമാക്കിയാണ് 'ലക്ഷ്യ' അംഗീകാരം കോട്ടയം മെഡിക്കല്‍ കോളേജ് കരസ്ഥമാക്കിയത്. കേന്ദ്ര മെഡിക്കല്‍ പ്രതിനിധി സംഘം, മുന്നു മാസം മുന്‍പ് കോട്ടയം മെഡിക്കല്‍ കോളജില്‍, 'ലക്ഷ്യ 'മാര്‍ഗ്ഗ നിര്‍ദ്ദേശങ്ങള്‍ അനുസരിച്ചുള്ള പരിശോധനയ്ക്ക് എത്തിയിരുന്നു. ഇതേതുടര്‍ന്നാണ് ഇപ്പോള്‍ അംഗീകാരം ലഭിച്ചത്. ഗര്‍ഭിണികള്‍ക്ക് മികച്ച ചികിത്സയും പരിചരണവും ഉറപ്പാക്കുവാനും മാതൃ-ശിശു മരണ നിരക്ക് കുറയ്ക്കാനുമാണ് കേന്ദ്ര സര്‍ക്കാര്‍ ലക്ഷ്യ പദ്ധതി ആവിഷ്‌കരിച്ചത്.
.webp)
.jpg&description=കോട്ടയം മെഡിക്കല്‍ കോളജിന് ലക്ഷ്യ സര്‍ട്ടിഫിക്കറ്റ് ){kind=link}
0 Comments