മാഞ്ഞൂര്‍ സര്‍വ്വീസ് സഹകരണ ബാങ്ക് ഭരണം യുഡിഎഫ് തിരിച്ചു പിടിച്ചു.

മാഞ്ഞൂര്‍ സര്‍വ്വീസ് സഹകരണ ബാങ്ക് ഭരണം യുഡിഎഫ് തിരിച്ചു പിടിച്ചു. യുഡിഎഫിലെ കേരള കോണ്‍ഗ്രസ് അംഗം സി.എം ജോര്‍ജ്ജ് പുതിയ പ്രസിഡന്റായി തെരഞ്ഞെടുക്കപ്പെട്ടു. 13 അംഗ ഭരണസമിതിയില്‍ 7 പേരുടെ പിന്തുണയോടെയാണ് യുഡിഎഫ് വിജയിച്ചത്. എല്‍ഡിഎഫ് കേരള കോണ്‍ഗ്രസ് എമ്മിലെ 3 അംഗങ്ങളും, യുഡിഎഫിലെ കോണ്‍ഗ്രസ് അംഗങ്ങളായ 2 പേരും, കേരള കോണ്‍ഗ്രസ് അംഗമായ ഒരാളും വിട്ടുനിന്നു. ബാങ്ക് പ്രസിഡന്റായിരുന്ന യുഡിഎഫ് അംഗം ലൂക്കോസ് മാക്കില്‍ അവിശ്വാസ പ്രമേയത്തിലൂടെ പുറത്താക്കപ്പെട്ടതിനെ തുടര്‍ന്നാണ് പുതിയ തെരഞ്ഞെടുപ്പ് നടന്നത്.