മിന്നുംതാരമായി മീനാക്ഷി. എസ്.എസ്.എല്‍.സി പരീക്ഷയില്‍ തിളക്കമാര്‍ന്ന വിജയമാണ് ചലച്ചിത്രതാരം മീനാക്ഷി നേടിയത്. ഷൂട്ടിംങ് തിരക്കുകള്‍ക്കിടയില്‍ 9 എ പ്ലസുമായാണ് മീനാക്ഷി വിജയം നേടിയത്. കിടങ്ങൂര്‍ എന്‍.എസ്.എസ് ഹയര്‍ സെക്കന്‍ഡറി സ്‌കൂളിലാണ് മീനാക്ഷി പരീക്ഷയെഴുതിയത്. ഷൂട്ടിംങ് തിരക്കുകളും, കോവിഡ് നിയന്ത്രണങ്ങളും മൂലം കഴിഞ്ഞ വര്‍ഷം പരീക്ഷയെഴുതാന്‍ കഴിയാതിരുന്ന മീനാക്ഷി ഇത്തവണ ഷൂട്ടിംങിന് അവധിയെടുത്താണ് പരീക്ഷയെഴുതാനെത്തിയത്. കിടങ്ങൂര്‍ എന്‍.എസ്.എസിലെ അദ്ധ്യാപകരും കൂട്ടുകാരുമെല്ലാം മികച്ച പ്രോത്സാഹനം നല്‍കിയതായി അനുനയ അനൂപ് എന്ന മീനാക്ഷി പറഞ്ഞു. പരീക്ഷയ്ക്ക് ശേഷം വീണ്ടും ക്യാമറയ്ക്ക് മുന്നിലെത്തിയ മീനാക്ഷി മികച്ച വിജയം നേടാന്‍ കഴിഞ്ഞതിലുള്ള ആഹ്ലാദത്തിലാണ്. ''ഒന്ന് ബി പോസിറ്റീവായിരിക്കാന്‍, ബാക്കി എല്ലാം എ പോസിറ്റീവ്.''- ആയതായി തന്റെ പരീക്ഷാഫലം പങ്കുവെച്ചുകൊണ്ട് മീനാക്ഷി പറഞ്ഞു.
.webp)
0 Comments