റ്റി.വി എബ്രാഹം ഫൗണ്ടേഷന്റെ ആഭിമുഖ്യത്തില്‍ റ്റി.വി എബ്രാഹം അനുസ്മരണ സമ്മേളനം ജൂണ്‍11 ശനിയാഴ്ച ഏറ്റുമാനൂര്‍ പ്രസ് ക്ലബ്ബ് ഹാളില്‍ നടക്കും. കേരള കോണ്‍ഗ്രസ് നേതാവായിരുന്ന റ്റി.വി എബ്രാഹമിന്റെ സ്മരണ നിലനിര്‍ത്തുന്നതിനായി ഫൗണ്ടേഷന്‍ ഏര്‍പ്പെടുത്തിയ മികച്ച ജില്ലാ പഞ്ചായത്ത് മെമ്പര്‍ക്കുള്ള പുരസ്‌ക്കാരം കോട്ടയം ജില്ലാ പഞ്ചായത്തംഗം ജോസ് മോന്‍ മുണ്ടയ്ക്കലിന് സമര്‍പ്പിക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. കോട്ടയം ജില്ലാ കൗണ്‍സിലിന്റെ പ്രഥമ പ്രസിഡന്റും, മികച്ച സംഘാടകനും, സഹകാരിയുമായിരുന്നു അഡ്വ റ്റി.വി എബ്രാഹം അനുസ്മരണ സമ്മേളന ഉദ്ഘാടനവും, അവാര്‍ഡ് വിതണവും മോന്‍സ് ജോസഫ് എം.എല്‍.എ നിര്‍വ്വഹിക്കും. നഗരസഭാ ചെയര്‍പേഴ്‌സണ്‍ ലൗലി ജോര്‍ജ്ജ് അദ്ധ്യക്ഷയായിരിക്കും. വാര്‍ത്താ സമ്മേളനത്തില്‍ റ്റി.വി എബ്രാഹം ഫൗണ്ടേഷന്‍ പ്രസിഡന്റ് ഫ്രാന്‍സിസ് ജോര്‍ജ്ജ്, സെക്രട്ടറി പി.എം ജോസഫ് എന്നിവര്‍ പങ്കെടുത്തു.
0 Comments