ചെറുപുഷ്പ മിഷന്‍ ലീഗ് പ്ലാറ്റിനം ജൂബിലിയാഘോഷങ്ങളുടെ ഭാഗമായി കോതനല്ലൂര്‍ മേഖലയുടെ നേതൃത്വത്തില്‍ റാലിയും പൊതുസമ്മേളനവും നടത്തും. കോതനല്ലൂര്‍ ഫൊറോനായുടെ കീഴിലുള്ള എട്ട് ഇടവകകളില്‍ നിന്നുമുള്ള പ്രവര്‍ത്തകര്‍ പരിപാടിയില്‍ പങ്കെടുക്കും. ആറിന് ഉച്ചയ്ക്ക് 2.30 ന് നടക്കുന്ന കോതനല്ലൂര്‍ കന്തീശങ്ങളുടെ ഫൊറോനാ പള്ളിയങ്കണത്തില്‍ നിന്നും റാലി ആരംഭിക്കും. ടൗണ്‍ ചുറ്റി നടക്കുന്ന റാലി കോതനല്ലൂര്‍ സ്‌കൂള്‍ മൈതാനത്ത് സമാപിക്കും. തുടര്‍ന്ന് നടക്കുന്ന സമ്മേളനം രൂപതാ വികാരി ജനറാള്‍ മോണ്‍ റവ ഡോ ജോസഫ് തടത്തില്‍ ഉദ്ഘാടനം ചെയ്യും. ഫൊറോനാ വികാരി ഫാ സെബാസ്റ്റ്യന്‍ പടിക്കകുഴുപ്പില്‍ അധ്യക്ഷത വഹിക്കും. ദേശീയ പ്രസിഡന്റ് ബിനോയി പള്ളിപറമ്പില്‍, മേഖലാ ഡയറക്ടര്‍ ഫാ ആല്‍ബിന്‍ പുതുപ്പറമ്പില്‍, മേഖലാ പ്രസിഡന്റ് തോമസ് കൊണ്ടൂകാലാ, റീജിയണല്‍ ഓര്‍ഗനൈസര്‍ റോയി മലയില്‍, സിസ്റ്റര്‍ മരിയ, ഐഷ പ്ലാക്കുഴി, സോമിയ മരിയ, ജിസി ജെയിംസ് തുടങ്ങിയവര്‍ പ്രസംഗിക്കും.
.jpg)
0 Comments