കിടങ്ങൂര്‍ പഞ്ചായത്തിന്റെ നേതൃത്വത്തില്‍ വിദ്യാര്‍ത്ഥികള്‍ക്ക് നീന്തല്‍ പരിശീലന പരിപാടി ആരംഭിച്ചു. ഗ്രാമപഞ്ചായത്തിന്റെ 2022 - 23 വാര്‍ഷിക | പദ്ധതിയില്‍ ഉള്‍പ്പെടുത്തിയാണ് പഞ്ചായത്ത് പരിധിയിലെ യു.പി സ്‌ക്കൂള്‍ വിദ്യാര്‍ത്ഥികള്‍ക്ക് നീന്തല്‍ പരിശീലനം നല്‍കുന്നത്. തിരഞ്ഞെടുത്ത 100 വിദ്യാര്‍ത്ഥികളെ നീന്തല്‍ പരിശീലിപ്പിക്കുന്ന പദ്ധതിയ്ക്കായി മൂന്ന് ലക്ഷം രൂപയാണ് പഞ്ചായത്ത് നീക്കി വച്ചിരിക്കുന്നത്. പാലാ തോപ്പന്‍സ് അക്കാദമിയില്‍ നടന്ന ചടങ്ങില്‍ പഞ്ചായത്ത് പ്രസിഡന്റ് ബോബി മാത്യു നീന്തല്‍ പരിശീലനത്തിന്റെ ഉദ്ഘാടനം നിര്‍വ്വഹിച്ചു. ആരോഗ്യ - വിദ്യാഭ്യാസ സ്റ്റാന്‍ഡിംഗ് കമ്മറ്റി ചെയര്‍മാന്‍ പി. റ്റി. സനില്‍കുമാര്‍, പിറയാര്‍ ഗവ. എല്‍.പി സ്‌ക്കൂള്‍ പ്രഥമാധ്യാപിക ശ്രീലത, പരിശീലകന്‍ ജോയി തുടങ്ങിയവര്‍ സംസാരിച്ചു.
.jpg)
0 Comments