മേവട സുഭാഷ് ഗ്രന്ഥശാലയുടെ ആഭിമുഖ്യത്തില്‍ മയക്കുമരുന്നിന്റെ ഉപയോഗത്തിനും, വ്യാപനത്തിനുമെതിരെ മനുഷ്യചങ്ങലയും, ലഹരിവിരുദ്ധ ബോധവത്കരണ സമ്മേളനവും നടന്നു. വര്‍ദ്ധിച്ചു വരുന്ന മയക്കുമരുന്ന് ഉപയോഗത്തിനും, വ്യാപനത്തിനുമെതിരെ കേരള സ്റ്റേറ്റ് ലൈബ്രറി കൗണ്‍സിലിന്റെ ആഭിമുഖ്യത്തില്‍ സംഘടിപ്പിക്കുന്ന പരിപാടികളുടെ ഭാഗമായാണ് മേവട ജംഗ്ഷനില്‍ പൊതുസമ്മേളനവും, മനുഷ്യ ചങ്ങലയും സംഘടിപ്പിച്ചത് . സമ്മേളനോദ്ഘാടനം മാണി.സി. കാപ്പന്‍ എം.ല്‍.എ. നിര്‍വ്വഹിച്ചു. പാലാ എസ്.എച്ച്.ഒ കെ.പി ടോംസണ്‍ മുഖ്യപ്രഭാഷണം നടത്തി. കോട്ടയം ജില്ലാ ലൈബ്രറി കൗണ്‍സില്‍ പ്രസിഡന്റ് ബാബു കെ ജോര്‍ജ് അധ്യക്ഷനായിരുന്നു. ഗ്രന്ഥശാല സെക്രട്ടറി റ്റി.സി ശ്രീകുമാര്‍, നേതൃസമിതി കണ്‍വീനര്‍ വേണുഗോപാല്‍ ജില്ലാ പഞ്ചായത്തംഗം ജോസ് മോന്‍ മുണ്ടക്കല്‍ തുടങ്ങിയവര്‍ പ്രസംഗിച്ചു. സംഘാടക സമിതി കണ്‍വീനര്‍ റ്റി.എസ് ശ്രീജിത്ത് പ്രതിജ്ഞ ചൊല്ലിക്കൊടുത്തു. മനുഷ്യചങ്ങലയില്‍ മാണി സി കാപ്പന്‍ എംഎല്‍എയും, പാലാ എസ്.എച്ച്.ഒ കെ.പി ടോംസണും പങ്കാളികളായി. വിവിധ രാഷ്ട്രീയകക്ഷി നേതാക്കളും നാട്ടുകാരും ലൈബ്രറി അംഗങ്ങളും മനുഷ്യ ചങ്ങലയില്‍ പങ്കാളികളായി.
.jpg)
0 Comments