കോട്ടയം കോടിമത, ശ്രീപള്ളിപ്പുറത്തുകാവ് ഭദ്രകാളിക്ഷേത്രത്തില്‍ അഷ്ടബന്ധസഹസ്രകലശം 2022 ഡിസംബര്‍ 9 മുതല്‍ 14 വരെ നടക്കും. സാക്ഷാല്‍ ശ്രീപോര്‍ക്കലി ദേവി കുടികൊള്ളുന്ന പള്ളിപ്പുറത്തു കാവില്‍ എട്ടുകൈകളോടുകൂടിയ ഭദ്രകാളി ദേവിയാണ് പ്രതിഷ്ഠ. കൃഷ്ണശിലയിലാണ് ഈ വിഗ്രഹം തീര്‍ത്തിരിക്കുന്നത്. ഐതിഹ്യമാല എന്ന കൃതിയുടെ കര്‍ത്താവായ കവിതിലകന്‍ കൊട്ടാരത്തില്‍ ശങ്കുണ്ണിയുടെ കുടുംബപരദേവതയുമാണ് പള്ളിപ്പുറത്തു കാവിലമ്മ. ഡിസംബര്‍ 14-ന് രാവിലെ 11നും 12നും ഇടയ്ക്കുള്ള ശുഭ മുഹൂര്‍ത്തത്തില്‍ അഷ്ടബന്ധ സഹസ്രകലശ സ്ഥാപനവും ബ്രഹ്‌മകലശാഭിഷേകവും നടക്കും. ഇതിനോടനുബന്ധിച്ചുള്ള സഹസ്രകലശമണ്ഡപത്തിന്റെ കാല്‍നാട്ടു കര്‍മ്മം 2022 നവംബര്‍ 11-ാംതീയതി വെള്ളിയാഴ്ച 12.10 ന് ക്ഷേത്രം മേല്‍ശാന്തി പെരിയമന ഇല്ലത്ത് ബ്രഹ്‌മശ്രീ നാരായണന്‍ പോറ്റി നിര്‍വ്വഹിക്കും. അഷ്ടബന്ധസഹസ്രകലശ ഓഫീസിന്റെ ഉദ്ഘാടനം തിരുവഞ്ചൂര്‍ രാധാകൃഷ്ണന്‍ എം.എല്‍.എ നിര്‍വ്വഹിക്കും. സഹസ്രകലശത്തിന്റെ ഫണ്ട് ഉദ്ഘാടനം കോടിമത അഞ്ജന ക്ലിനിക് ഡോ. സുരേഷ് നിര്‍വ്വഹിക്കുമെന്ന് ക്ഷേത്ര ഭാരവാഹികള്‍ വാര്‍ത്താ സമ്മേളനത്തില്‍ പറഞ്ഞു.
.jpg)
0 Comments