അന്തീനാട് ശ്രീമഹാദേവ ക്ഷേത്രത്തില്‍ ലക്ഷദീപക്കാഴ്ച

അന്തീനാട് ശ്രീമഹാദേവ ക്ഷേത്രത്തില്‍ തൃക്കാര്‍ത്തിക മഹോത്സവത്തോടനുബന്ധിച്ച് ലക്ഷദീപം പ്രഭാപൂരം ചൊരിഞ്ഞു. അന്തീനാട് മഹാദേവ ഭക്തജന സമിതിയുടെ നേതൃത്വത്തിലാണ് ലക്ഷദീപക്കാഴ്ച നടത്തിയത്. 2023 മേയ് 14 മുതല്‍ 25 വരെ നടക്കുന്ന നവീകരണകലശത്തിന്റെയും ചുറ്റമ്പല സമര്‍പ്പണത്തിന്റെയും വിളംബരവുമായി പുതിയ ക്ഷേത്ര മാതൃക ആയിരക്കണക്കിന് മണ്‍ചിരാതുകളിലെ നിറദീപങ്ങള്‍ കൊണ്ട് ചിത്രീകരിച്ചത് ഏറെ ശ്രദ്ധേയമായി. നൂറുകണക്കിന് ഭക്തരാണ് കാര്‍ത്തിക ദീപക്കാഴ്ചയ്കായി ക്ഷേത്ര സന്നിധിയിലെത്തിയത്.