കുറിച്ചിത്താനം പൂത്തൃക്കോവില്‍ ക്ഷേത്രത്തില്‍ ഏകാദശി വിളക്കു മഹോത്സവം ശനിയാഴ്ച നടക്കും.

കുറിച്ചിത്താനം പൂത്തൃക്കോവില്‍ ക്ഷേത്രത്തില്‍ ഏകാദശി വിളക്കു മഹോത്സവം ശനിയാഴ്ച നടക്കും. രാവിലെ സമൂഹശയന പ്രദക്ഷിണം, ഏകാദശി പായസ നിവേദ്യം, ഏകാദശി ഊട്ട്,  ശ്രീധരി ജംഗ്ഷനിലേക്ക് എഴുന്നള്ളിപ്പ്, ദശാവതാര ചന്ദനം ചാര്‍ത്തല്‍, വിശ്വരൂപദര്‍ശനം എന്നിവ നടക്കും. രാത്രി 10 ന് ഏകാദശി വിളക്ക്. ഞായറാഴ്ച തിരുവാറാട്ട് നടക്കും. ആറാം ഉത്സവ ദിവസമായ വെള്ളിയാഴ്ച ഉത്സവബലി ദര്‍ശനം, ഉണ്ണിയൂട്ട്  പ്രസാദമൂട്ട്, മെഗാ തിരുവാതിര, മ്യൂസിക്കല്‍ മെഗാഷോ എന്നിവയോടെയാണ് ഉത്സവാഘോഷം നടന്നത്. ഉത്സവാഘോഷങ്ങളോടുബന്ധിച്ച് വൈവിധ്യമാര്‍ന്ന കലാപരിപാടികളാണ് തിരുവരങ്ങില്‍ നടന്നത്.