സ്റ്റുഡിയോ ഫ്രണ്ട്‌സ് സ്വാശ്രയ സംഘം, യുണൈറ്റഡ് മര്‍ച്ചന്റ് ചേമ്പര്‍, പയനീയര്‍ ക്ലബ് പാലാ എന്നിവയുടെ ആഭിമുഖ്യത്തില്‍ അനുസ്മരണ സമ്മേളനം

സ്റ്റുഡിയോ ഫ്രണ്ട്‌സ് സ്വാശ്രയ സംഘം, യുണൈറ്റഡ് മര്‍ച്ചന്റ് ചേമ്പര്‍, പയനീയര്‍ ക്ലബ് പാലാ എന്നിവയുടെ ആഭിമുഖ്യത്തില്‍ അനുസ്മരണ സമ്മേളനം പാലായില്‍ സംഘടിപ്പിച്ചു. ഫോട്ടോഗ്രാഫി രംഗത്തും വ്യാപര മേഖലയിലും പ്രവര്‍ത്തിച്ചിരുന്ന ആന്റു തോമസ്, സുരഭി സജീവ്, ജയേഷ് ജോസഫ് എന്നിവരുടെ സ്മരണാര്‍ത്ഥമാണ് യോഗം ചേര്‍ന്നത്. പാലാ ഡി.വൈ.എസ്.പി എ.ജെ.തോമസ് യോഗം ഉദ്ഘാടനം ചെയ്യ്തു, യു.എം.സി പാലാ യൂണിറ്റ് പ്രസിഡന്റ് സജി രചന അദ്ധ്യക്ഷത വഹിച്ചു.  യു.എം.സി സംസ്ഥാന സെക്രട്ടറി റ്റോമി കുറ്റിയാങ്കല്‍ മുഖ്യ അനുസ്മരണം നടത്തി. എ.കെ.പി.എ മേഖലാ പ്രസിഡന്റ് രമേശ് മുരുകന്‍, സ്റ്റുഡിയോ ഫ്രണ്ട്‌സ് എസ്.എച്ച്.ജി പ്രസിഡന്റ് രാജീവ് എം.ആര്‍, സന്തോഷ് മരിയാ സദനം, യു.എം.സി ജില്ലാ പ്രസിഡന്റ് പ്രിന്‍സ് വി.സി, പയനിയര്‍ ക്ലബ് പ്രസിഡന്റ് സന്തോഷ് ജോസഫ്,  കെ.ആര്‍ സൂരജ്, രാജേഷ് കെ. തുടങ്ങിയവര്‍ പ്രസംഗിച്ചു.