തീവെട്ടി ബാബു പാലാ പൊലീസിന്റെ പിടിയില്‍

കുപ്രസിദ്ധ മോഷ്ടാവ് തീവെട്ടി ബാബു പാലാ പൊലീസിന്റെ പിടിയില്‍. മോഷണക്കേസ്സില്‍ ജയില്‍ ശിക്ഷ കഴിഞ്ഞ് ആറുമാസം മുമ്പ് പുറത്തിറങ്ങിയ ബാബു ഭരണങ്ങാനത്ത് കടയുടെ ഷട്ടര്‍ കുത്തിത്തുറന്ന് മോഷണം നടത്തിയ കേസ്സിലാണ് പാലാ പൊലീസ് അറസ്റ്റ് ചെയ്തത്.  ഒരു പ്രദേശത്ത് മോഷണം നടത്തിയാലുടന്‍ ജില്ലകള്‍ കടന്ന് വളരെ ദൂരെ സ്ഥലത്തേക്ക് മുങ്ങുന്നതാണ് തീവെട്ടി ബാബുവിന്റെ രീതിയെന്ന് ഇയാളെ പിടികൂടിയ  പാലാ സി.ഐ. കെ.പി. ടോംസണ്‍ പറഞ്ഞു. തിരുവനന്തപുരം നെയ്യാറ്റിന്‍കരയില്‍ നിന്ന് പാലാ സി.ഐ. കെ.പി. ടോംസണ്‍, എസ്. ഐ. എം. ഡി. അഭിലാഷ് എന്നിവരുള്‍പ്പെട്ട പൊലീസ് സംഘമാണ്  ബാബുവിനെ കസ്റ്റഡിയിലെടുത്തത്. കേരളത്തിലെ വിവിധ ജില്ലകളിലായി നൂറില്‍പ്പരം മോഷണക്കേസ്സുകളില്‍ പ്രതിയാണ് ബാബു. ഇയാളെ പാലാ കോടതിയില്‍ ഹാജരാക്കി റിമാന്‍ഡ് ചെയ്തു