കോട്ടയം സോഷ്യല്‍ സര്‍വ്വീസ് സൊസൈറ്റിയുടെ നേതൃത്വത്തില്‍ ദേശീയ ഗ്രാമീണ വികസന ബാങ്കായ നബാര്‍ഡുമായി സഹകരിച്ച് നടപ്പിലാക്കുന്ന തയ്യല്‍ മിത്ര തയ്യല്‍ പരിശീലന പരിപാടിയ്ക്ക് തുടക്കമായി. പദ്ധതിയുടെ ഭാഗമായി തെരഞ്ഞെടുക്കപ്പെട്ട 30 വനിതകള്‍ക്ക് 60 ദിവസത്തെ ശാസ്ത്രീയ തയ്യല്‍ പരിശീലനം സൗജന്യമായി നല്‍കും. തെള്ളകം ചൈതന്യയില്‍ ആരംഭിച്ച പരിശീലന പരിപാടിയുടെ ഉദ്ഘാടനം നബാര്‍ഡ് കോട്ടയം ഡിസ്ട്രിക്റ്റ് ഡെവലപ്പ്മെന്റ് മാനേജര്‍ റെജി വര്‍ഗ്ഗീസ് നിര്‍വ്വഹിച്ചു. ഏറ്റുമാനൂര്‍ മുനിസിപ്പല്‍ ചെയര്‍പേഴ്സണ്‍ ലൗലി ജോര്‍ജ്ജ് ചടങ്ങില്‍ അദ്ധ്യക്ഷത വഹിച്ചു. കെ.എസ്.എസ്.എസ് എക്സിക്യൂട്ടീവ് ഡയറക്ടര്‍ ഫാ. സുനില്‍ പെരുമാനൂര്‍, അസി. ഡയറക്ടര്‍ ഫാ. സിജോ ആല്‍പ്പാറയില്‍, പ്രോഗ്രാം ഓഫീസര്‍ ബബിത റ്റി. ജെസ്സില്‍ തുടങ്ങിയവര്‍ പ്രസംഗിച്ചു. പരിശീലനം വിജകരമായി പൂര്‍ത്തിയാക്കുന്നവര്‍ക്ക് സര്‍ട്ടിഫിക്കറ്റുകളും തയ്യല്‍ യൂണിറ്റുകള്‍ ഉള്‍പ്പെടെയുള്ള സംരംഭങ്ങള്‍ തുടങ്ങുന്നതിന് നബാര്‍ഡിന്റെ സഹകരണത്തോടെ ആവശ്യമായ ക്രമീകരണങ്ങളും ലഭ്യമാക്കും.
.webp)
.webp)
.webp)
.jpeg)
0 Comments