കുറുപ്പന്തറ സെന്റ് സേവ്യേഴ്സ് വി.എച്ച്.എസ്.എസ് വാര്‍ഷികാഘോഷത്തോടുനുബന്ധിച്ചു നടന്ന ഗുരുവന്ദനം വേറിട്ട കാഴ്ച്ചയായി. സ്‌കൂള്‍ വാര്‍ഷികത്തോടുനുബന്ധിച്ചു ഈ വര്‍ഷം വിരമിക്കുന്ന അധ്യാപിക ആനി അഗസ്റ്റിന് നല്‍കിയ യാത്രയയപ്പിന്റെ ഭാഗമായാണ് ഗുരുവന്ദനം നടത്തിയത്. ഗുരുവന്ദനത്തില്‍ പാടിയ പാട്ടിന്റെ വരികളുടെ അര്‍ത്ഥവും ഇതിനൊപ്പിച്ചുള്ള വിദ്യാര്‍ഥികളുടെ പ്രകടനവും ശ്രദ്ധേയമായി. വിരമിക്കുന്ന അധ്യാപികയെ മധ്യത്തിലിരുത്തിയാണ് വിദ്യാര്‍ഥികള്‍ പരിപാടി അവതരിപ്പിച്ചത്്. സ്‌കൂളിലെ മുഴുവന്‍ അധ്യാപകരും വിദ്യാര്‍ത്ഥികളും ഒപ്പിട്ട ചാര്‍ട്ട് പേപ്പറും ഏഴാം ക്ലാസ്സ് വിദ്യാര്‍ഥി ജോയല്‍ ജോമോന്‍ വരച്ച അധ്യാപികയുടെ ചിത്രവും വിദ്യാര്‍ത്ഥികള്‍ അധ്യാപികയ്ക്കു കൈമാറി. വിദ്യാര്‍ത്ഥികള്‍ പൂച്ചെണ്ടും പൊന്നാടയും അണിയിച്ച് അധ്യാപികയെ ആദരിച്ചു. വാര്‍ഷികാഘോഷം മോന്‍സ് ജോസഫ് എം.എല്‍.എ ഉദ്ഘാടനം ചെയ്തു. സ്‌കൂള്‍ മാനേജര്‍ ഫാ അബ്രഹാം കുപ്പപുഴയ്ക്കല്‍ അധ്യക്ഷനായിരുന്നു. മാഞ്ഞൂര്‍ സര്‍വീസ് സഹകരണ ബാങ്ക് പ്രസിഡന്റ് സി.എം. ജോര്‍ജ്, പിടിഎ പ്രസിഡന്റ്് ജോര്‍ജുകുട്ടി കാറുകുളം, പ്രിന്‍സിപ്പാള്‍ അനൂപ് കെ. സെബാസ്റ്റ്യന്‍, ഹെഡ്മാസ്റ്റര്‍ ജിജി ജേക്കബ്, അധ്യാപക പ്രതിനിധികളായ ജോഷി ജോര്‍ജ്, ഷായി ചാക്കോ, സ്‌കൂള്‍ ചെയര്‍പേഴ്സണ്‍ കെ.ആര്‍. നിരൂപ, വിദ്യാര്‍ത്ഥി പ്രതിനിധി സെലീനാ ബെന്നി തുടങ്ങിയവര്‍ പ്രസംഗിച്ചു. കുട്ടികളുടെ വിവിധ കലാപരിപാടികളും വാര്‍ഷികത്തോടുനുബന്ധിച്ചു നടന്നു.
.jpg)
0 Comments