പാലായില്‍ മരിയന്‍ ആശുപത്രിക്ക് സമീപം യുവതിയെ ഇടിച്ചു വീഴ്ത്തിയ കാര്‍ നിര്‍ത്താതെ പോയി. കല്ലറ സ്വദേശിനി സ്‌നേഹ ഓമനക്കുട്ടനാണ് (22) അപകടത്തില്‍ പരിക്കേറ്റത്. പാലാ മരിയന്‍ ആശുപത്രിയില്‍ ഇന്റര്‍വ്യൂവിനായി എത്തിയതായിരുന്നു സ്‌നേഹ. ചൊവ്വാഴ്ച ഉച്ചയക്ക് ഒന്നരയോടെയായിരുന്നു അപകടം. ആശുപത്രി ഭാഗത്ത് നിന്നും വന്ന സ്‌നേഹ ബൈപ്പാസ് റോഡിന് കുറുകെ കടക്കവെ ബൈപ്പാസിലേയ്ക്ക് കടന്ന സെലേറിയോ കാര്‍ സ്‌നേഹയെ ഇടിക്കുകയായിരുന്നു. വാഹനം മുന്നോട്ട് കയറി നിര്‍ത്താതെ പോവുകയായിരുന്നു. പെണ്‍കുട്ടിയുടെ തോളിന് പരിക്കുണ്ട്. പാലായിലെ ആശുപത്രിയില്‍ പ്രവേശിപ്പിച്ച സ്‌നേഹ ആശുപത്രി വിട്ട് വീട്ടിലേയ്ക്ക് പോയി. പിന്നീട് മെഡിക്കല്‍ കോളേജ് ആശുപത്രിയില്‍ ചികിത്സ തേടി. അപകടത്തിന്റെ സിസിടിവി ദൃശ്യങ്ങള്‍ പുറത്തുവന്നിട്ടുണ്ട്. യുവതിയെ ഇടിച്ചു വീഴ്ത്തിയ കാര്‍ പാലാ പോലീസ് കണ്ടെത്തി. പൂഞ്ഞാര്‍ തെക്കേക്കര പനച്ചിപ്പാറ സ്വദേശിയും, ഈരാറ്റുപേട്ട എസ്.ബി.ഐയിലെ ജീവനക്കാരനും, വിമുക്തഭടനുമായ നോര്‍ബര്‍ട്ട് ജോര്‍ജ്ജി വര്‍ക്കിയാണ് കാറോടിച്ചിരുന്നത്. പാലാ എസ്.എച്ച.്ഒ കെ.പി ടോംസണിന്റെ നേതൃത്വത്തിലുള്ള സംഘമാണ് നോര്‍ബര്‍ട്ട് ജോര്‍ജ്ജിനെ അറസ്റ്റ് ചെയ്തത്.
.webp)
.webp)
.webp)
.jpeg)
0 Comments