പാലാ-ഉഴവൂര്‍ റോഡില്‍ ശബരിമല തീര്‍ത്ഥാടകര്‍ സഞ്ചരിച്ച വാഹനം നിയന്ത്രണം വിട്ട് മറിഞ്ഞു.

പാലാ-ഉഴവൂര്‍ റോഡില്‍ ശബരിമല തീര്‍ത്ഥാടകര്‍ സഞ്ചരിച്ച വാഹനം നിയന്ത്രണം വിട്ട് മറിഞ്ഞു. ശബരിമല ദര്‍ശനം കഴിഞ്ഞ് മടങ്ങിയ കര്‍ണ്ണാടക സ്വദേശികളായ അയ്യപ്പന്‍മാര്‍ സഞ്ചരിച്ച വാഹനമാണ് നിയന്ത്രണം വിട്ട് മറിഞ്ഞത്. ഒരു കുട്ടിയടക്കം ഏഴ് പേരാണ് വാഹനത്തില്‍ ഉണ്ടായിരുന്നത്. കുറിച്ചിത്താനം ചെത്തിമറ്റം ജഗ്ഷനു സമീപം ബുധനാഴ്ച രാത്രി 9 മണിയോടെയായിരുന്നു അപകടം. നിയന്ത്രണം വിട്ട കാര്‍ മതിലില്‍ ഇടിച്ച് തലകീഴായി മറിഞ്ഞു. കാറിലുണ്ടായിരുന്ന അയ്യപ്പന്മാര്‍ അത്ഭുതകരമായി രക്ഷപ്പെട്ടു. ആര്‍ക്കും പരിക്കില്ല. മരങ്ങാട്ടുപിളളി പോലീസ് സ്ഥലത്ത് എത്തി നടപടി സ്വീകരിച്ചു.