പുലിയന്നൂര്‍ ഗവ. ന്യൂ എല്‍പി സ്‌കൂളില്‍ എസ്‌സിഇആര്‍ടിയുടെ സംസ്ഥാനതല മികവ് ചിത്രീകരണം ആരംഭിച്ചു. കോട്ടയം ജില്ലയില്‍ നിന്നും ചിത്രീകരണത്തിനായി തിരഞ്ഞെടുക്കപ്പെട്ട ഏക വിദ്യാലയമാണ് ചകിണിക്കുന്നു സ്‌കൂള്‍ എന്ന് അറിയപ്പെടുന്ന ഗവണ്‍മെന്റ് ന്യൂ എല്‍ പി സ്‌കൂള്‍. ചലച്ചിത സംവിധായകനായ സനൂപിന്റെ നേതൃത്വത്തിലാണ് SCERT സ്‌കൂളിന്റെ മികവുകള്‍ ക്യാമറയില്‍ പകര്‍ത്തുന്നത് . വിദ്യാലയത്തിലെ അധ്യാപക രക്ഷാകര്‍തൃ സമിതി നടത്തിയ വേറിട്ട പ്രവര്‍ത്തനങ്ങളാണ് വിദ്യാലയത്തെ ഈ മികവിന് അര്‍ഹമാക്കിയത്.. അധ്യാപകരും വിദ്യാര്‍ത്ഥികളും രക്ഷിതാക്കളും ഒന്നിച്ച് കൈകോര്‍ത്തു നില്‍ക്കുന്ന അക്കാദമിക പരിസരമാണ് ഈ വിദ്യാലയത്തില്‍ രൂപീകരിക്കപ്പെട്ടിരിക്കുന്നത്. രക്ഷിതാക്കളും വിദ്യാലയവും തമ്മിലുള്ള ഊഷ്മളമായ ബന്ധം കുട്ടികളുടെ സ്വഭാവരൂപീകരണത്തില്‍ ഗുണാത്മകമായ സ്വാധീനം ചെലുത്തുന്നു. വിദ്യാര്‍ത്ഥികളുടെത് മാത്രമല്ല രക്ഷിതാക്കളുടെ സര്‍ഗ്ഗശേഷികള്‍ക്കും പ്രകാശനം നല്‍കുന്ന വേദി കൂടിയായി സ്‌കൂള്‍ മാറിയിരിക്കുന്നു. ഈ വര്‍ഷം പൊതുവിദ്യാഭ്യാസ വകുപ്പിന്റെ ബെസ്റ്റ് PTA അവാര്‍ഡ് സബ്ജില്ലാതലം ഒന്നാംസ്ഥാനം, കോട്ടയം റവന്യൂ ജില്ലാതലം രണ്ടാം സ്ഥാനം, കേന്ദ്ര ഗവണ്‍മെന്റിന്റെ സ്വച്ഛവിദ്യാലയ പുരസ്‌കാരം തുടങ്ങിയവ വിദ്യാലയം കരസ്ഥമാക്കിയിട്ടുണ്ട്. ഹെഡ്മിസ്ട്രസ് ആശ ബാലകൃഷ്ണന്റെ നേതൃത്വത്തില്‍ വിദ്യാലയം പുരോഗതിയുടെ പടവുകള്‍ കയറിക്കൊണ്ടിരിക്കുകയാണ്.
.webp)
.webp)
.webp)
.jpeg)
0 Comments