കേന്ദ്ര സംസ്ഥാന സര്‍ക്കാരുകള്‍ വാര്‍ഷിക ബഡ്ജറ്റില്‍ ചെറുകിട വ്യാപ്യാരികളെ അവഗണിക്കുകയും, നികുതികള്‍ കുത്തനെ വര്‍ധിപ്പിക്കുകയും ചെയ്ത ജനദ്രോഹപരമായ നടപടിയില്‍ പ്രതിഷേധിച്ചുകൊണ്ട് കേരള വ്യാപാരി വ്യവസായി ഏകോപന സമിതി പാലാ യൂണിറ്റിന്റെ നേതൃത്വത്തില്‍ നഗരത്തില്‍ പന്തം കൊളുത്തി പ്രകടനം നടത്തി. പാലാ ജനറല്‍ ഹോസ്പിറ്റല്‍ ജംഗ്ഷനില്‍ ആരംഭിച്ച പ്രകടനം ളാലം പാലത്തിനു സമീപം അവസാനിച്ചു. തുടര്‍ന്നു നടന്ന പ്രതിഷേധ സമ്മേളനം യൂണിറ്റ് പ്രസിഡന്റ് വക്കച്ചന്‍ മറ്റത്തില്‍ എക്‌സ്. എം.പി. ഉദ്ഘാടനം ചെയ്തു. ജനറല്‍ സെക്രട്ടറി വി.സി ജോസഫ് അധ്യക്ഷനായിരുന്നു. സംഘടനാ നേതാക്കളായ ജോസ് ചെറുവള്ളി, അലക്‌സ് മനയാനി, ബേബിച്ചന്‍ പുരയിടത്തില്‍, ജോസ് എ.ടി.പി, ജിസ്‌മോന്‍ കുറ്റിയാങ്കല്‍, ജോണ്‍ ദര്‍ശന, ബിബിന്‍ പോള്‍സണ്‍, എബിസണ്‍ ജോസ്, ജയേഷ് ജോര്‍ജ്, അജോമോന്‍ കെ.എം.ജെ, ജോഷി ഷൂമാര്‍ട്, രാജു ഉഷസ്, മനോജ് വൈപ്പന, സാബു പൂവേലി തുടങ്ങിയവര്‍ പ്രകടനത്തിന് നേതൃത്വം നല്‍കി.
.webp)
0 Comments