സി.എസ്.ഐ മധ്യകേരള മഹാ ഇടവക ഏറ്റുമാനൂര്‍ വൈദിക ജില്ലയുടെ വചനമാരി കണ്‍വെന്‍ഷന്‍ ഫെബ്രുവരി എട്ടു മുതല്‍ 12 വരെ തീയതികളില്‍ കുറുപ്പന്തറയില്‍ നടക്കും. മാര്‍ക്കറ്റ് ഗ്രൗണ്ടില്‍ നടക്കുന്ന കണ്‍വെന്‍ഷന്‍ ചങ്ങനാശ്ശേരി അതിരൂപത സഹായ മെത്രാന്‍ മാര്‍ തോമസ് തറയില്‍ ഉദ്ഘാടനം ചെയ്യും. ബ്രദര്‍ ഷെറിന്‍ ജോസ് തലശ്ശേരി, സിഎസ്‌ഐ മധ്യകേരളം മഹായിടവക ക്ലര്‍ജി സെക്രട്ടറി ഫാദര്‍ നെല്‍സണ്‍ ചാക്കോ, ഫാദര്‍ ഷിബിന്‍ പോള്‍ തിരുമല എന്നിവര്‍ ഓരോ ദിവസങ്ങളിലെയും കണ്‍വെന്‍ഷന്‍ നയിക്കും. സമാപന യോഗത്തില്‍ മധ്യകേരള മഹായിടവക ബിഷപ്പ് റൈറ്റ് റവ. ഡോക്ടര്‍ മലയില്‍ സാബു കോശി ചെറിയാന്‍ വചന ശുശ്രൂഷ നിര്‍വഹിക്കും. ജില്ലാ ചെയര്‍മാന്‍ ഫാദര്‍ എം.എ ജേക്കബ്, ജില്ലാ സെക്രട്ടറി അരുണ്‍ മാത്യു, കണ്‍വെന്‍ഷന്‍ ജനറല്‍ കണ്‍വീനര്‍ എ.ജെ കുഞ്ഞുമോന്‍ ആനവേലി എന്നിവര്‍ നേതൃത്വം നല്‍കും. കണ്‍വെന്‍ഷനില്‍ വൈദിക ജില്ലയിലെ 41 സഭകളില്‍ നിന്നുള്ള വിശ്വാസികള്‍ പങ്കുചേരുമെന്ന് പബ്ലിസിറ്റി കണ്‍വീനര്‍ ഫാദര്‍ മനു ജോസഫ്, ജില്ലാ ചെയര്‍മാന്‍ ഫാദര്‍ എം.എ ജേക്കബ് എന്നിവര്‍ കടുത്തുരുത്തി പ്രസ് ക്ലബ്ബില്‍ നടന്ന വാര്‍ത്താ സമ്മേളനത്തില്‍ വിശദീകരിച്ചു.
.webp)
0 Comments