ഏറ്റുമാനൂര്‍-പൂഞ്ഞാര്‍ സംസ്ഥാന പാതയില്‍ കിടങ്ങൂര്‍ ഓള്‍ ദ ബെസ്റ്റ് ടയര്‍ ഷോപ്പിന് സമീപം ബൈക്കും, കാറും കൂട്ടിയിടിച്ചുണ്ടായ അപകടത്തില്‍ ബൈക്ക് യാത്രികന്‍ മരണമടഞ്ഞു. പാമ്പാടി സ്വദേശി മരിയം കുന്നേല്‍ ജസ്റ്റിന്‍ എന്ന 27 കാരനാണ് മരണമടഞ്ഞത്. വ്യാഴാഴ്ച വൈകീട്ട് ഏഴരയോടെയായിരുന്നു കിടങ്ങൂര്‍ കോയിത്തറ പടിക്കു സമീപം അപകടമുണ്ടായത്. ഇടുക്കിയില്‍ പെയിന്റിംഗ് ജോലി കഴിഞ്ഞു മടങ്ങുന്നതിനിടയിലാണ് യുവാവ് സഞ്ചരിച്ച ബൈക്ക് അപകടത്തില്‍ പെട്ടത്. കിടങ്ങൂര്‍ പോലീസ് മേല്‍ നടപടികള്‍ സ്വീകരിച്ചു. സംസ്ഥാന പാതയില്‍ കിടങ്ങൂര്‍ പെട്രോള്‍ പമ്പിനു സമീപം ആഴ്ചകള്‍ക്കു മുന്‍പ് ബൈക്കപകടത്തില്‍ ഒരാള്‍ മരണമടഞ്ഞിരുന്നു. അമിത വേഗതയും, അശ്രദ്ധയും അപകടങ്ങള്‍ക്ക് കാരണമാകുകയാണ്.
.jpg)
0 Comments