കാരാപ്പുഴയില്‍ ദമ്പതികളെ വീട്ടില്‍ കയറി ആക്രമിച്ച കേസില്‍ രണ്ടുപേരെ പോലീസ് അറസ്റ്റ് ചെയ്തു. വേളൂര്‍ കാരപ്പുഴ പതിനാറില്‍ച്ചിറ ഭാഗത്ത് പുത്തന്‍പുരയില്‍ ആദര്‍ശ് മോന്‍, ഗോകുല്‍ ശിവപ്രസാദ് എന്നിവരെയാണ് കോട്ടയം വെസ്റ്റ് പോലീസ് അറസ്റ്റ് ചെയ്തത്. ഇവര്‍ ഇരുവരും ചേര്‍ന്ന് ഇന്നലെ രാത്രി കാരാപ്പുഴ പതിനാറില്‍ച്ചിറയില്‍ താമസിക്കുന്ന പ്രമോദ് എന്നയാളുടെ വീട്ടില്‍ അതിക്രമിച്ചു കയറി പ്രമോദിനെ കയ്യില്‍ കരുതിയിരുന്ന പൈപ്പ്‌റേഞ്ച് കൊണ്ട് ആക്രമിക്കുകയായിരുന്നു. തടസ്സം പിടിക്കാന്‍ ചെന്ന ഭാര്യയെയും ഇരുവരും ചേര്‍ന്ന് മര്‍ദ്ദിച്ചു. തുടര്‍ന്ന് വീട്ടിലെ ഗൃഹോപകരണങ്ങള്‍ അടിച്ചു നശിപ്പിക്കുകയും ചെയ്തു. പരാതിയെ തുടര്‍ന്ന് വെസ്റ്റ് പോലീസ് കേസ് രജിസ്റ്റര്‍ ചെയ്യുകയും ഇരുവരെയും പിടികൂടുകയായിരുന്നു. ഇവര്‍ക്ക് പ്രമോദിനോട് മുന്‍ വൈരാഗ്യം നിലനിന്നിരുന്നു. ഇതിന്റെ തുടര്‍ച്ചയെന്നോണമാണ് ഇവര്‍ വീട്ടില്‍ കയറി പ്രമോദിനെയും, ഭാര്യയെയും ആക്രമിച്ചത്. കോട്ടയം വെസ്റ്റ് സ്റ്റേഷന്‍ എസ്.എച്ച്.ഒ പ്രശാന്ത് കുമാര്‍ കെ.ആര്‍, എസ്.ഐ ബിജു സി.എസ്, എ.എസ്.ഐ ബിജു, സി.പി.ഒ രഞ്ജിത്ത് എന്നിവര്‍ ചേര്‍ന്നാണ് ഇവരെ അറസ്റ്റ് ചെയ്തത്. ഇരുവരെയും കോടതിയില്‍ ഹാജരാക്കി.
.jpg)
0 Comments