കിടങ്ങൂർ പെട്രോൾ പമ്പിനു സമീപം ബൈക്കും, കാറും കൂട്ടിയിടിച്ചുണ്ടായ അപകടത്തിൽ ബൈക്ക് യാത്രികൻ മരണമടഞ്ഞു

ഏറ്റുമാനൂർ - പൂഞ്ഞാർ സംസ്ഥാന പാതയിൽ കിടങ്ങൂർ ഓള്‍ ദ ബെസ്റ്റ് ടയര്‍ ഷോപ്പിന്  സമീപം ബൈക്കും, കാറും  കൂട്ടിയിടിച്ചുണ്ടായ അപകടത്തിൽ ബൈക്ക് യാത്രികൻ മരണമടഞ്ഞു. പാമ്പാടി പങ്ങട സ്വദേശി മരിയാംകുന്നേൽ ജെയിംസിന്റെ മകൻ ജസ്റ്റിൻകുര്യൻ എന്ന 26 കാരനാണ് മരണമടഞ്ഞത്. വൈകീട്ട് ഏഴരയോടെയായിരുന്നു അപകടം. ഇടുക്കിയിൽ പെയിന്റിംഗ് ജോലികൾക്ക് ശേഷം തിരികെ വീട്ടിലേക്ക് വരും വഴിയാണ് അപകടം. രാത്രി ഏഴരയോടെ കിടങ്ങൂർ ടൗണിന് സമീപമുള്ള പെട്രോൾ പമ്പിന് അടുത്തായിരുന്നു അപകടം. മൃതദേഹം കിടങ്ങൂരിലെ സ്വകാര്യ ആശുപത്രിയിലേക്ക് മാറ്റി. കിടങ്ങൂർ പോലീസ് സ്ഥലത്തെത്തി മേൽ നടപടികൾ സ്വീകരിച്ചു.