മറ്റക്കര നെല്ലിക്കുന്ന് പബ്ലിക് ലൈബ്രറി-നവീകരിച്ച വായനാ മുറി ഉദ്ഘാടനം

മറ്റക്കര നെല്ലിക്കുന്ന് പബ്ലിക് ലൈബ്രറിയുടെ  നവീകരിച്ച വായനാ മുറിയുടെയും, ശൗചാലയത്തിന്റെയും ഉദ്ഘാടനം നടത്തി. വായനശാലാ ഹാളില്‍ ചേര്‍ന്ന യോഗത്തില്‍ പാമ്പാടി ബ്ലോക്കില്‍ നിന്ന് അനുവദിച്ച ഇ ടോയ്ലറ്റിന്റെ ഉദ്ഘാടനം പാമ്പാടി ബ്ലോക്ക് പഞ്ചായത്ത് വൈസ് പ്രസിഡന്റ്  അശോക് കുമാര്‍ പുതുമനയും, നവീകരിച്ച വായനമുറിയുടെ ഉദ്ഘാടനം ജില്ലാ ലൈബ്രറി കൗണ്‍സില്‍ ജോ.സെക്രട്ടറി എന്‍.ഡി ശിവനും, ലൈബ്രറി നവീകരണ പ്രവര്‍ത്തന ഫണ്ടിന്റെ ഉദ്ഘാടനം കോട്ടയം താലൂക്ക് ലൈബ്രറി കൗണ്‍സില്‍ സെക്രട്ടറി സി ബാബുവും നിര്‍വ്വഹിച്ചു. നെല്ലിക്കുന്ന് പബ്ലിക് ലൈബ്രറി സെക്രട്ടറി എം.എസ് രാജു അധ്യക്ഷനായിരുന്നു. വാര്‍ഡ് മെമ്പര്‍മാരായ സീമാപ്രകാശ്, ശ്രീലത ജയന്‍, ലൈബ്രറി മുന്‍ പ്രസിഡന്റ് ശരത്ത് പി, ലൈബ്രറി സെക്രട്ടറി സന്ദീപ് പനച്ചിയ്ക്കല്‍ ,ജോ.സെക്രട്ടറി ഗിരിജാ രാജന്‍ തുടങ്ങിയവര്‍ പ്രസംഗിച്ചു.