ബൈക്കുകള്‍ കൂട്ടിയിടിച്ച് മൂന്ന് ബൈക്ക് യാത്രികര്‍ക്ക് പരിക്കേറ്റു. ഏറ്റുമാനൂര്‍ മണര്‍കാട് ബൈപാസില്‍ ഏറ്റുമാനൂര്‍ മഹാദേവ ക്ഷേത്രത്തിനു സമീപമാണ് ബൈക്കുകള്‍ കൂട്ടിയിടിച്ചത്. വടക്കേനട ഭാഗത്ത് നിന്നും ബൈപാസിലേക്ക് അശ്രദ്ധമായി കടന്നെത്തിയ ബൈക്ക് അമിത വേഗതയില്‍ എത്തിയ ബൈക്കുമായി കൂട്ടിയിടിക്കുകയായിരുന്നു. നിയന്ത്രണം വിട്ട ഒരു ബൈക്ക് 50 മീറ്ററോളം മുന്നോട്ടു കുതിച്ച് സമീപത്തെ മാറാവേലി തോട്ടില്‍ വീഴുകയായിരുന്നു. സാരമായ പരിക്കേറ്റ മൂന്നു പേരെയുംപോലീസും നാട്ടുകാരും ചേര്‍ന്ന് ആംബുലന്‍സിലും പോലീസ് വാഹനത്തിലുമായി കോട്ടയം മെഡിക്കല്‍ കോളേജ് ആശുപത്രിയില്‍ എത്തിച്ചു. ഹെല്‍മറ്റ് ധരിച്ചിരുന്നതിനാല്‍ തലയ്ക്ക് കാര്യമായ പരിക്കേറ്റില്ല. നിയന്ത്രണം വിട്ടു തെന്നിമാറി തോട്ടില്‍ പതിച്ച ബൈക്ക് ചെളിയിലും പുല്‍പ്പടര്‍പ്പിലും പുതഞ്ഞുപോയതിനാല്‍ കാണാന്‍ കഴിയാത്ത നിലയിലായിരുന്നു. കാഞ്ഞിരിപ്പള്ളി സ്വദേശികളായ രണ്ട് യുവാക്കള്‍ക്കും മറ്റൊരു ബൈക്കിലെ യാത്രക്കാരനായ ഏറ്റുമാനൂര്‍ വള്ളിക്കാട് സ്വദേശിക്കുമാണ്പരിക്കേറ്റത്.
.jpg)
0 Comments