നിര്‍ത്തിയിട്ടിരുന്ന കാറിനുള്ളില്‍ നിന്നും സ്വര്‍ണമാല മോഷ്ടിച്ച കേസില്‍ ഒരാളെ പോലീസ് അറസ്റ്റ് ചെയ്തു. കല്ലറ തീയേറ്റര്‍ ജംഗ്ഷന്‍ ഭാഗത്ത് മുണ്ടയ്ക്കപറമ്പില്‍ വീട്ടില്‍ ബിനോ മാത്യു എന്നയാളെയാണ് കടുത്തുരുത്തി പോലീസ് അറസ്റ്റ് ചെയ്തത്. ഇയാള്‍ കഴിഞ്ഞ മാസം 31-ആം തീയതി വൈകുന്നേരത്തോടു കൂടി മാഞ്ഞൂര്‍ സ്വദേശിയായ മധ്യവയസ്‌കന്റെ കാറിനുള്ളില്‍ വെച്ചിരുന്ന മൂന്ന് പവനോളം തൂക്കം വരുന്ന സ്വര്‍ണമാല മോഷ്ടിച്ചുകൊണ്ട് പോവുകയായിരുന്നു. മധ്യവയസ്‌കന്‍ തച്ചേരിമുക്ക് ഭാഗത്ത് തന്റെ കാര്‍ നിര്‍ത്തിയതിനുശേഷം പുറത്തിറങ്ങുകയും, ഈ സമയം കാറിന്റെ ഡോര്‍ തുറന്ന് ഇയാള്‍ മാല മോഷ്ടിച്ചുകൊണ്ട് കടന്നു കളയുകയുമായിരുന്നു. പരാതിയെ തുടര്‍ന്ന് കടുത്തുരുത്തി പോലീസ് കേസ് രജിസ്റ്റര്‍ ചെയ്യുകയും, ശാസ്ത്രീയമായ പരിശോധനയിലൂടെ മോഷ്ടാവിനെ കണ്ടെത്തി പിടികൂടുകയുമായിരുന്നു. കടുത്തുരുത്തി സ്റ്റേഷന്‍ എസ്.എച്ച്. ഓ സജീവ് ചെറിയാന്‍, എസ്.ഐ അരുണ്‍കുമാര്‍ പി.എസ്, സജിമോന്‍ എസ്.കെ, എസ്.സി.പി.ഓ സുനില്‍കുമാര്‍ എന്നിവര്‍ ചേര്‍ന്നാണ് ഇയാളെ അറസ്റ്റ് ചെയ്തത്. കോടതിയില്‍ ഹാജരാക്കിയ ഇയാളെ റിമാന്‍ഡ്ചെയ്തു.
.webp)
.webp)
.webp)
.jpeg)
0 Comments