പാഴ്‌സല്‍ വാന്‍ നിയന്ത്രണം വിട്ടു മറിഞ്ഞു

എം.സി റോഡില്‍ ഏറ്റുമാനൂര്‍ കെഎസ്ആര്‍ടിസി ബസ് സ്റ്റേഷന് സമീപം മിനി പാഴ്‌സല്‍  വാന്‍ നിയന്ത്രണം വിട്ടു മറിഞ്ഞു. റോഡിന് കുറുകെ വട്ടം തിരിച്ച കാറില്‍ ഇടിക്കാതെ വെട്ടിത്തിരിക്കുന്നതിനിടയിലാണ് വാന്‍ റോഡില്‍ മറിഞ്ഞതെന്ന് വാന്‍ ഡ്രൈവര്‍ വിഷ്ണു പറഞ്ഞു. ഡ്രൈവര്‍ക്കൊപ്പം ഉണ്ടായിരുന്ന സഹയാത്രികന് നിസ്സാര പരിക്കേറ്റു. ഇയാളെ തെള്ളകത്തെ സ്വകാര്യ ആശുപത്രിയില്‍ പ്രവേശിപ്പിച്ചു. അപകടത്തെ തുടര്‍ന്ന് എംസി റോഡില്‍ അല്‍പസമയം ഗതാഗതം തടസ്സപ്പെട്ടു. ഏറ്റുമാനൂര്‍ പോലീസ് മേല്‍ നടപടിസ്വീകരിച്ചു.