പ്ലംബിംഗ് സാധനങ്ങള്‍ മോഷ്ടിച്ച കേസില്‍ മൂന്നു പേരെ പോലീസ് അറസ്റ്റ് ചെയ്തു

അയര്‍ക്കുന്നത്ത് പണിപൂര്‍ത്തിയാകാത്ത വീട്ടില്‍ നിന്നും പ്ലംബിംഗ് സാധനങ്ങള്‍  മോഷ്ടിച്ച കേസില്‍ മൂന്നു പേരെ പോലീസ് അറസ്റ്റ് ചെയ്തു. അയര്‍ക്കുന്നം അമയന്നൂര്‍ ചൂരനാനിക്കല്‍ ഭാഗത്ത് സൂരജ്. എസ് , അമയന്നൂര്‍ മുരിക്കുംന്താനം രതീഷ് എം.എം , മുട്ടമ്പലം കച്ചുവേലിക്കുന്ന് ഭാഗത്ത് ബിജു ഇ.കെ എന്നിവരെയാണ് അയര്‍ക്കുന്നം പോലീസ് അറസ്റ്റ് ചെയ്തത്. ഇവര്‍ കഴിഞ്ഞദിവസം അമയന്നൂര്‍ ഭാഗത്ത് വീട് പണി നടന്നുകൊണ്ടിരിക്കുന്ന വീട്ടില്‍ കയറി ബാത്‌റൂമില്‍ സൂക്ഷിച്ചിരുന്ന 20,000 രൂപ വിലമതിക്കുന്ന പ്ലംബിംഗ് സാധനങ്ങള്‍  മോഷ്ടിച്ചു കൊണ്ടുപോവുകയായിരുന്നു. പരാതിയെ തുടര്‍ന്ന് അയര്‍ക്കുന്നം പോലീസ് കേസ് രജിസ്റ്റര്‍ ചെയ്യുകയും ശാസ്ത്രീയമായ പരിശോധനയിലൂടെ മോഷ്ടാക്കളെ കണ്ടെത്തി പിടികൂടുകയായിരുന്നു. അയര്‍ക്കുന്നം സ്റ്റേഷന്‍ എസ്.എച്ച്. ഓ എ.എസ്.പി അശ്വതി ജിജി, എസ്.ഐ സജി റ്റി.ലൂക്കോസ്, സുജിത്ത് കുമാര്‍, എ.എസ്.ഐ പ്രദീപ് കുമാര്‍, സി.പി.ഓ മാരായ സരുണ്‍ രാജ്, രമിത്ത്,ജിജോ ജോണ്‍ എന്നിവര്‍ ചേര്‍ന്നാണ് ഇവരെ അറസ്റ്റ് ചെയ്തത്. ഇവരെ കോടതിയില്‍ഹാജരാക്കി