എഐടിയുസി ജില്ലാ സമ്മേളനം ആഗസ്റ്റ് 12,13 തിയതികളില്‍ പാലായില്‍

ആഗസ്റ്റ് 12,13 തിയതികളില്‍ പാലായില്‍ വച്ച് നടക്കുന്ന എ ഐ റ്റി യു സി സമ്മേളനത്തിന്റെ ഒരുക്കങ്ങള്‍ പൂരത്തിയായതായി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. പാലാ മുനിസിപ്പല്‍ ടൗണ്‍ ഹാളില്‍ രണ്ട് ദിവസങ്ങളിലായി നടക്കുന്ന സമ്മേളനത്തിന് ശനിയാഴ്ച  10 ന് ജില്ല പ്രസിഡന്റ് റ്റി എന്‍ രമേശന്‍ പതാക ഉയര്‍ത്തുന്നതോടെ തുടക്കമാകും. പ്രതിനിധി സമ്മേനം എ ഐ റ്റി യു സി സംസ്ഥാന ജനറല്‍ സെക്രട്ടറി കെ പി രാജേന്ദ്രന്‍  ഉദ്ഘാടനം ചെയ്യും. ജില്ല സെക്രട്ടറി അഡ്വ വി കെ സന്തോഷ്‌കുമാര്‍ റിപ്പോര്‍ട്ടും കണക്കും അവതരിപ്പിക്കും. സിപിഐ സംസ്ഥാന എക്‌സിക്യൂട്ടീവ് അംഗം സി കെ ശശിധരന്‍, സിപിഐ ജില്ല സെക്രട്ടറി അഡ്വ. വി ബി ബിനു, വാഴൂര്‍ സോമന്‍ എം എല്‍ എ, സികെ ആശ എം എല്‍ എ, എഐറ്റിയുസി സംസ്ഥാന വൈസ് പ്രസിഡന്റ് പി കെ  കൃഷ്ണന്‍, സംസ്ഥാന സെക്രട്ടറി എലിസബത്ത് അസീസി, കിസ്സാന്‍ സഭ ജില്ല പ്രസിഡന്റ് അഡ്വ തോമസ് വി റ്റി, മഹിളാ സംഘം ജില്ല സെക്രട്ടറി ലീനമ്മ ഉദയകുമാര്‍, മദ്യവ്യവസായ തൊഴിലാളി ഫെഡറേഷന്‍ സംസ്ഥാന വര്‍ക്കിങ്ങ് പ്രസിഡന്റ് ബാബു കെ ജോര്‍ജ്, സിപിഐ പാലാ മണ്ഡലം സെക്രട്ടറി പി കെ ഷാജകുമാര്‍, എ ഐ വൈ എഫ് ജില്ല സെക്രട്ടറി ഷമ്മാസ് ലത്തീഫ് എന്നിവര്‍ പ്രസംഗിക്കും. അഡ്വ പി ആര്‍ തങ്കച്ചന്‍ സ്വാഗതവും അഡ്വ. പയസ് രാമപുരം നന്ദിയും രേഖപ്പെടുത്തും. പൊതു ചര്‍ച്ചകള്‍ക്ക് ശേഷം പുതിയ കമ്മറ്റിയെയും ഭാരവാഹികളെയും തെരെഞ്ഞെടുക്കും. വാര്‍ത്താ സമ്മേളനത്തില്‍ അഡ്വ പി ആര്‍ തങ്കച്ചന്‍, അഡ്വ പയസ് രാമപുരം, സിബി ജോസഫ്, പി കെ ഷാജകുമാര്‍ എന്നിവര്‍ പങ്കെടുത്തു.