ലോറിയും കാറും കൂട്ടിയിടിച്ച് മൂന്നുപേര്‍ക്ക് പരിക്കേറ്റു

എംസി റോഡില്‍ മോനിപ്പള്ളിയില്‍  മുണ്ടിയാനിപ്പുറം ഭാഗത്ത് ലോറിയും കാറും കൂട്ടിയിടിച്ച് മൂന്നുപേര്‍ക്ക് പരിക്കേറ്റു. ചൊവ്വാഴ്ച രാത്രി 8:45നാണ് അപകടം നടന്നത്. ഉഴവൂര്‍ മല്‍പ്പാങ്കല്‍ മേരി ഫിലിപ്പ് ,  മനീഷ് ഫിലിപ്പ്  ഉഴവൂര്‍ സ്വദേശി ജോബി എന്നിവര്‍ക്കാണ് പരിക്കേറ്റത് . ഇവരെ കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു . മനീഷ് ഫിലിപ്പിന്റെ നില ഗുരുതരമാണ് . കൂത്താട്ടുകുളം ഭാഗത്തുനിന്നും വരികയായിരുന്ന കാറില്‍ മറ്റൊരു വാഹനത്തെ മറികടന്ന് അമിതവേഗത്തില്‍ എത്തിയ ലോറി ഇടിയ്ക്കുകയായിരുന്നു.  ഇടിയുടെ ആഘാതത്തില്‍ കാറിന്റെ മുന്‍വശം പൂര്‍ണമായും തകര്‍ന്നു. നാട്ടുകാര്‍ പരിക്കേറ്റവരെ കാര്‍ വെട്ടിപ്പൊളിച്ചാണ് പുറത്തെടുത്തത്. കുറവിലങ്ങാട് പോലീസ് സ്ഥലത്തെത്തി നടപടികള്‍ സ്വീകരിച്ചു.