പ്രായപൂര്‍ത്തിയാകാത്ത പെണ്‍കുട്ടിയെ തീക്കോയി, മാവടി ഭാഗത്ത് വെച്ച് ലൈംഗികാതിക്രമത്തിന് ശ്രമിച്ച കേസില്‍ 65 കാരനെ ഈരാറ്റുപേട്ട പോലീസ് അറസ്റ്റ് ചെയ്തു. തീക്കോയി നെടുങ്ങഴി ഭാഗത്ത് കൂടമറ്റംകുന്നേല്‍ വീട്ടില്‍ കെ.വി രാജന്‍ (65) എന്നയാളെയാണ് പോലീസ് അറസ്റ്റ് ചെയ്തത്. പഠനം കഴിഞ്ഞ് വീട്ടിലേക്ക് മടങ്ങുകയായിരുന്ന അതിജീവിതയെ ഇയാള്‍ പിന്‍തുടരുകയും വിജനമായ സ്ഥലത്തു വെച്ച് കയ്യില്‍ കടന്നു പിടിക്കുകയുമായിരുന്നു . പെണ്‍കുട്ടി ബഹളം വയ്ക്കുകയും ഇയാളെ തള്ളിമാറ്റി സ്ഥലത്തുനിന്ന് രക്ഷപെടുകയുമായിരുന്നു. തുടര്‍ന്ന് അതിജീവിത നല്‍കിയ പരാതിയുടെ അടിസ്ഥാനത്തില്‍ ഈരാറ്റുപേട്ട പോലീസ് കേസ് രജിസ്റ്റര്‍ ചെയ്ത് ഇയാളെ അറസ്റ്റ് ചെയ്യുകയായിരുന്നു. ഈരാറ്റുപേട്ട പോലീസ് സ്റ്റേഷന്‍ SHO ബാബു സെബാസ്റ്റ്യന്‍, സബ്ബ് ഇന്‍സ്‌പെക്ടര്‍ വിഷ്ണു വി.വി, സീനിയര്‍ സിവില്‍ പോലീസ് ഓഫീസര്‍മാരായ ജിനു കെ.ആര്‍, ജോബി ജോസഫ്, അനീഷ് കെ.സി സിവില്‍ പോലീസ് ഓഫീസര്‍ സന്ദീപ് രവീന്ദ്രന്‍ എന്നിവരുള്‍പ്പെട്ട പോലീസ് സംഘമാണ് പ്രതിയെ അറസ്റ്റ് ചെയ്തത്. ഇയാളെ കോടതിയില്‍ ഹാജരാക്കി റിമാന്‍ഡ് ചെയ്തു
.webp)
.webp)
.webp)
.jpeg)
0 Comments