കാറും, ബൈക്കും കൂട്ടിയിടിച്ച് ബൈക്ക് യാത്രക്കാരന് പരിക്കേറ്റു.

കാറും, ബൈക്കും കൂട്ടിയിടിച്ച് ബൈക്ക് യാത്രക്കാരന് പരിക്കേറ്റു. ഏറ്റുമാനൂര്‍ - അയര്‍ക്കുന്നം റോഡില്‍ മാടപ്പാടിന് സമീപം  ഊറ്റക്കുഴി ഭാഗത്തായിരുന്നു മൂന്നരയോടെ അപകടം. ഏറ്റുമാനൂര്‍ ഭാഗത്തേക്ക് പോവുകയായിരുന്ന  കാറും, എതിര്‍ദിശയില്‍ നിന്നുമെത്തിയ പള്‍സര്‍  ബൈക്കുമാണ് കൂട്ടിയിടിച്ചത്. മറ്റൊരു വാഹനത്തെ  മറികടക്കാന്‍ ശ്രമിക്കുന്നതിനിടയില്‍ ആയിരുന്നു അപകടം.  ബൈക്കില്‍  രണ്ട് യുവാക്കളാണ് ഉണ്ടായിരുന്നത്. ഇടിയുടെ ശക്തിയില്‍ റോഡിലേക്ക് ബൈക്ക് യാത്രക്കാര്‍ തെറിച്ചു വീണു. ബൈക്ക് ഓടിച്ചിരുന്ന ആള്‍ ഹെല്‍മറ്റ് ധരിച്ചിരുന്നതിനാല്‍ പരിക്കുപറ്റിയില്ല. ബൈക്കിന്റെ  പുറകിലിരുന്ന യുവാവിന് തലയ്ക്ക് പരിക്കേറ്റു. ഇയാളെ കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. പരിക്കേറ്റവരെ ആശുപത്രിയില്‍ കൊണ്ടുവാന്‍ ആരും തയ്യാറാകാതെ വന്നതോടെ  ഏറ്റുമാനൂരിലെ  ഓട്ടോ ഡ്രൈവറും, സിപിഐ(എം) ഊറ്റക്കുഴി ബ്രാഞ്ച് സെക്രട്ടറിയുമായ സതീഷാണ്  അപകടത്തില്‍പെട്ടവരെ തന്റെ വാഹനത്തില്‍ ആശുപത്രിയിലെത്തിച്ചത്.