ബൈക്ക് യാത്രക്കാരിയായ യുവതിയോട് അപമര്യാദയായി പെരുമാറിയ കേസില്‍ 41 കാരനെ പോലീസ് അറസ്റ്റ് ചെയ്തു. വൈക്കം,കൈപ്പുഴമുട്ട് കിടങ്ങയില്‍ പ്രവീണ്‍ കെ.പി എന്നയാളെയാണ് കുമരകം പോലീസ് അറസ്റ്റ് ചെയ്തത്. ഇയാള്‍ കഴിഞ്ഞ ദിവസം കോട്ടയം ഭാഗത്ത് നിന്നും കൈപ്പുഴമുട്ട് ഭാഗത്തേക്ക് പോവുകയായിരുന്ന യുവതിയും, സുഹൃത്തും ഒരുമിച്ച് യാത്ര ചെയ്തിരുന്ന ബൈക്കിനെ പിന്തുടര്‍ന്നെത്തി ഇവരെ തടഞ്ഞുനിര്‍ത്തി ചീത്ത വിളിക്കുകയും, യുവതിയെ അടിക്കുകയുമായിരുന്നു. യുവതിയും, സുഹൃത്തും ഒരുമിച്ച് യാത്ര ചെയ്തതിനെ ചോദ്യം ചെയ്തുകൊണ്ടായിരുന്നു ഇയാള്‍ ഇവരെ ചീത്ത വിളിച്ചത്. ഇതിനുശേഷം ഇയാള്‍ ഇവര്‍ യാത്ര ചെയ്തിരുന്ന ബൈക്കിന്റെ താക്കോല്‍ ഊരി ദൂരെ എറിയുകയും ചെയ്തു. പരാതിയെ തുടര്‍ന്ന് കുമരകം പോലീസ് കേസ് രജിസ്റ്റര്‍ ചെയ്യുകയും ഇയാളെ പിടികൂടുകയുമായിരുന്നു. കുമരകം സ്റ്റേഷന്‍ എസ്.എച്ച്.ഒ ബിന്‍സ് ജോസഫ്, എസ്.ഐ മാരായ സുരേഷ്, വിനോദ്, മനോജ്, എ.എസ്.ഐ സുനില്‍ എന്നിവര്‍ ചേര്‍ന്നാണ് ഇയാളെ അറസ്റ്റ് ചെയ്തത്. ഇയാളെ കോടതിയില്‍ ഹാജരാക്കി.
.webp)
.webp)
.webp)
.jpeg)
0 Comments