.webp)
മുളക്കുളം ഗ്രാമപഞ്ചായത്ത് പന്ത്രണ്ടാം വാര്‍ഡ് പൂഴിക്കോല്‍ സൗത്ത് കുടുംബശ്രീയുടെ വാര്‍ഷികാഘോഷ പരിപാടികള്‍ മോന്‍സ് ജോസഫ് MLA ഉദ്ഘാടനം ചെയ്തു. കേരളത്തില്‍ കുടുംബശ്രീക്ക് വലിയ വളര്‍ച്ച ഉണ്ടായിട്ടുണ്ടെന്നും വനിതകളുടെ സാമൂഹ്യ മുന്നേറ്റത്തിന് നേതൃത്വം നല്‍കാന്‍ കുടുംബശ്രീക്ക് കഴിഞ്ഞിട്ടുണ്ടെന്നും മോന്‍സ് ജോസഫ് എംഎല്‍എ പറഞ്ഞു. വാര്‍ഡ് മെമ്പര്‍ ജെസി കുര്യന്‍ അധ്യക്ഷത വഹിച്ച യോഗത്തില്‍ എഡിഎസ് സെക്രട്ടറി നിഷ പ്രവീണ്‍, മുളക്കുളം ഗ്രാമപഞ്ചായത്ത് പ്രസിഡണ്ട് ടി കെ വാസുദേവന്‍ നായര്‍, ജില്ലാ പഞ്ചായത്ത് മെമ്പര്‍ ജോസ് പുത്തന്‍കാല, ബ്ലോക്ക് പഞ്ചായത്ത് വൈസ് പ്രസിഡണ്ട് നയന ബിജു, സിഡിഎസ് ചെയര്‍പേഴ്‌സണ്‍ റൂത്ത് ബാബു എന്നിവര്‍ ആശംസകള്‍ അര്‍പ്പിച്ച് സംസാരിച്ചു. മുതിര്‍ന്ന വനിതകളെ ബ്ലോക്ക് പഞ്ചായത്ത് വൈസ് പ്രസിഡണ്ട് നയന ബിജു ആദരിച്ചു. മുതിര്‍ന്ന വനിതകളുടെയും കുട്ടികളുടെയും കലാപരിപാടികളും, മത്സരങ്ങളും, വിജയികള്‍ക്ക് സമ്മാനദാനവും നടന്നു. എഡിഎസ് പ്രസിഡന്റ് ഇന്ദുലേഖ സുനില്‍ നന്ദിയര്‍പ്പിച്ചു.
.jpg)
.webp&description=പൂഴിക്കോല്‍ സൗത്ത് കുടുംബശ്രീയുടെ വാര്‍ഷികാഘോഷ പരിപാടികള്‍){kind=link}
0 Comments