ഇന്ത്യയെ അറിയാന്‍ പാലാ റോട്ടറി ക്ലബ്ബിന്റെ നേതൃത്വത്തില്‍ ഫ്രണ്ട് ഷിപ്പ് ഡേയില്‍ ഗ്രാമങ്ങളിലേക്കുള്ള യാത്ര ആരംഭിച്ചു. ഇന്ത്യയുടെ ആത്മാവ് ഗ്രാമങ്ങളിലാണെന്ന മഹാത്മഗാന്ധിയുടെ സന്ദേശം ഉള്‍ക്കൊണ്ടാണ് പാലാ റോട്ടറി ക്ലബ്ബ് 2023 വര്‍ഷത്തെ പ്രവര്‍തനപദ്ധതിയുടെ ഭാ?ഗമായി ഗ്രാമയാത്ര നടത്തിയത്. പാലാ റോട്ടറി ക്ലബ്ബില്‍ മാണി സി കാപ്പന്‍ MLA യാത്ര ഫ്‌ലാഗ് ഓഫ് ചെയ്തു. എറണാകുളം ജില്ലയിലെ മരട്, തൃപ്പൂണിത്തുറ, വരാപ്പുഴ തുടങ്ങി അഞ്ചിലേറെ ഗ്രാമങ്ങളാണ് സന്ദര്‍ശിച്ചത്. സംഘാംഗങ്ങള്‍ ഒരു ദിവസം തദ്ദേശവാസികളോടൊപ്പം ചിലവഴിക്കുകയും വിശേഷങ്ങള്‍ പങ്കുവയ്ക്കുകയും ഒപ്പം പ്രശ്‌നങ്ങളും ആവശ്യങ്ങളും മനസ്സിലാക്കി പരിഹരിക്കുന്നതിനും ശ്രമം നടത്തുകയാണ് ലക്ഷ്യമിടുന്നത്. റോട്ടറി ക്ലബ്ബ് അംഗങ്ങളായ ഡോ ജോസ് കൊക്കാട്ട്, സന്തോഷ് മാട്ടേല്‍, സിനി വാച്ചാപറമ്പില്‍, ദേവസ്യാച്ചന്‍ മറ്റത്തില്‍, പി സി ചെറിയാന്‍, ഡോ. ബാബു തോമസ്, ജേക്കബ് സേവ്യര്‍ കയ്യാലക്കകം, ജിമ്മി ചെറിയാന്‍ പെരുമാട്ടിക്കുന്നേല്‍ റെജി മാത്യൂ, മിനി മാത്യൂ എന്നിവര്‍ ഗ്രാമയാത്രയില്‍ പങ്കെടുത്തു.
.webp)
.webp)
.webp)
0 Comments