അതിരമ്പുഴ സെന്റ് അലോഷ്യസ് എല്‍.പി സ്‌കൂളില്‍ അധ്യാപക ദിനാചരണം നടന്നു. ദിനാചരണത്തോടനുബന്ധിച്ച് അധ്യാപകര്‍ ദീപം തെളിയിക്കുകയും, വിദ്യാര്‍ത്ഥികള്‍ അധ്യാപകര്‍ക്ക് പൂച്ചെണ്ട് നല്‍കി ആദരിക്കുകയും ചെയ്തു. വിദ്യാര്‍ത്ഥികള്‍ സ്റ്റുഡന്റ് ടീച്ചര്‍മാരായി ക്ലാസെടുത്തത് കൗതുകക്കാഴ്ചയായി. ഹെഡ്മിസ്ട്രസ് സുനിമോള്‍ കെ തോമസ്, സ്‌കൂള്‍ ലീഡര്‍ ജിജോയ്ക്ക് താക്കോല്‍ കൈമാറി. സീനിയര്‍ അസിസ്റ്റന്റ് ലീന ജോസഫ്, ഗേള്‍ സ്‌കൂള്‍ ലീഡര്‍ ആന്‍ഡ്രിയ തോമസിന് സ്റ്റാഫ് സെക്രട്ടറിയുടെ ചുമതല കൈമാറി. തുടര്‍ന്ന് സ്റ്റുഡന്‍സ് ഹെഡ്മാസ്റ്റര്‍ നെയ്യാന്‍ ജിജോയുടെയും, സ്റ്റാഫ് സെക്രട്ടറി ആന്‍ഡ്രിയ തോമസിന്റെയും നേതൃത്വത്തിലാണ് ചടങ്ങുകള്‍ നടന്നത്. വിദ്യാര്‍ത്ഥികള്‍ തയ്യാറാക്കിയ ആശംസകള്‍ അധ്യാപകര്‍ക്ക് നല്‍കി സ്‌നേഹം പങ്കുവെച്ചു.
.webp)
.webp)
.webp)
0 Comments