ചൂരക്കുളങ്ങര റസിഡന്റ്‌സ് അസോസിയേഷന്റെ ആഭിമുഖ്യത്തില്‍ ഓണാഘോഷവും, കുടുംബ സംഗമവും നടന്നു. പരിപാടികള്‍ക്ക് തുടക്കം കുറിച്ച് റസിഡന്റ്‌സ് അസോസിയേഷന്‍ പ്രസിഡന്റ് ഒ.ആര്‍ ശ്രീകുമാര്‍ പതാക ഉയര്‍ത്തി. തുടര്‍ന്ന് കലാകായിക മത്സരങ്ങള്‍ നടന്നു. കുടുംബ സംഗമവും, വാര്‍ഷിക പൊതുയോഗവും അതിരമ്പുഴ പഞ്ചായത്ത് പ്രസിഡന്റ് സജി തടത്തില്‍ ഉദ്ഘാടനം ചെയ്തു.അസോസിയേഷന്‍ പ്രസിഡന്റ് ഒ.ആര്‍ ശ്രീകുമാര്‍ അധ്യക്ഷനായിരുന്നു. ഏറ്റുമാനൂരപ്പന്‍ കോളേജ് പ്രിന്‍സിപ്പല്‍ പ്രൊഫസര്‍ ഹേമന്ദ് കുമാര്‍ ഓണ സന്ദേശം നല്‍കി. അസോസിയേഷന്‍ സെക്രട്ടറി സുജ എസ് നായര്‍ വാര്‍ഷിക റിപ്പോര്‍ട്ടും, ട്രഷറര്‍ സുശീല കരുണാകരന്‍ വാര്‍ഷിക വരവ് ചെലവ് കണക്കും, അവതരിപ്പിച്ചു.. പഞ്ചായത്ത് മെമ്പര്‍ രജിത ഹരികുമാര്‍,ജില്ല റെസിഡന്റ്‌സ് വെല്‍ഫയര്‍ സൊസൈറ്റി സെക്രട്ടറി പി ചന്ദ്രകുമാര്‍, വനിതാ വിഭാഗം സംസ്ഥാന പ്രസിഡന്റ് ഗീത ഭായ്, ജില്ലാ കമ്മറ്റി അംഗങ്ങളായ ബിജോ കൃഷ്ണന്‍, സന്തോഷ് വിക്രമന്‍, ജില്ലാ റസിഡന്റ്‌സ് വെല്‍ഫെയര്‍ സൊസൈറ്റി അംഗങ്ങള്‍, അസോസിയേഷന്‍ വൈസ് പ്രസിഡന്റ് സിബി മാത്യു പുല്ലാട്ട് തുടങ്ങിയവര്‍ പ്രസംഗിച്ചു. യോഗത്തില്‍ വിദ്യാഭ്യാസ സ്‌കോളര്‍ഷിപ്പ് വിതരണം, മികച്ച കര്‍ഷകന്‍, കര്‍ഷക, എന്നിവരെ ആദരിക്കലും നടന്നു. വാര്‍ഷിക പൊതുയോഗത്തില്‍ പുതിയ ഭരണസമിതിയുടെ തിരഞ്ഞെടുപ്പും നടന്നു.
.jpg)
0 Comments