ജോസ്.കെ.മാണി എം.പിയുടെ അദ്ധ്യാപക ദിനാചരണം

അക്ഷര വെളിച്ചം പകര്‍ന്ന് നല്‍കിയ അദ്ധ്യാപകരെ ആദരിച്ചു കൊണ്ട് ജോസ്.കെ.മാണി എം.പിയുടെ അദ്ധ്യാപക ദിനാചരണം. ആദ്യാക്ഷരം പകര്‍ന്നു നല്‍കിയ ഗുരുക്കന്‍മാരോടൊപ്പം ജോസ് കെ.മാണി എം.പി അദ്ധ്യാപക ദിനത്തില്‍ ചിലവഴിച്ചു. പാല സെന്റ് തോമസ് ടി.ടി.ഐ യില്‍, തന്നെ പഠിപ്പിച്ച അദ്ധ്യാപിക സിസ്റ്റര്‍ ഫിദേലിസയെ കുടക്കച്ചിറ എസ്.എച്ച് കോണ്‍വന്റില്‍ എത്തിയും എന്‍.എം.ജോസഫ് നടുവത്തിനെ വലവൂരിലുള്ള വീട്ടിലെത്തിയും പൊന്നാട അണിയിച്ച് ആദരിച്ചു.  ളാലം ബ്ലോക്ക് പഞ്ചായത്ത് പ്രസിഡണ്ട് റാണി ജോസ്, ഫിലിപ്പ് കുഴികുളം, സാജു വെട്ടത്തേട്ട് ജയ്‌സണ്‍ മാന്തോട്ടം എന്നിവര്‍ക്കൊപ്പമാണ് ജോസ് മാണി അധ്യാപകരെ കാണാനെത്തിയത്.