കാഞ്ഞിരപ്പള്ളി വെളിച്ചയാനിയില്‍ കെ.എസ്.ആര്‍.ടി.സി യും സ്വകാര്യ ബസും കൂട്ടിയിടിച്ച് നിരവധി പേര്‍ക്ക് പരിക്ക്. പാറത്തോട് സര്‍വ്വീസ് സഹകരണ ബാങ്കിന്റെ മുന്‍പിലെ വളവില്‍ ഇന്ന് ഉച്ചകഴിഞ്ഞു മൂന്ന് മണിയോടെയാണ് അപകടം ഉണ്ടായത്.മുണ്ടക്കയം ഭാഗത്ത് നിന്ന് കണ്ണൂര്‍ കൊന്നക്കാടിന് പോയ കെ.എസ്.ആര്‍.ടി.സി സൂപ്പര്‍ഫാസ്റ്റ് ബസ് എതിര്‍ദിശയില്‍ വന്ന സ്വകാര്യ ബസുമായി കൂട്ടിയിടിക്കുകയായിരുന്നു. കെ.എസ്.ആര്‍.ടി.സി യില്‍ ഇടിച്ച സ്വകാര്യ ബസ് റോഡ് വക്കിലെ മാടക്കടയും, റോഡരികില്‍ പാര്‍ക്ക് ചെയ്തിരുന്ന ഇരുചക്രവാഹനങ്ങളും ഇടിച്ച് തെറിപ്പിച്ചാണ് നിന്നത് .ഈ കടയില്‍ ഉണ്ടായിരുന്നവര്‍ക്കും, ഇരു ബസുകളിലും യാത്ര ചെയ്തിരുന്നവര്‍ക്കുമാണ് പരുക്കേറ്റത്.ഇവരെ സമീപത്തുള്ള സ്വകാര്യ ആശുപത്രികളില്‍ പ്രവേശിപ്പിച്ചു. കാഞ്ഞിരപ്പള്ളിയില്‍ നിന്ന് ഫയര്‍ഫോഴ്‌സ് എത്തിയാണ് ക്രെയിന്‍ ഉപയോഗിച്ച് കെ.എസ്.ആര്‍.ടി.സി ബസ് റോഡില്‍ നിന്ന് നീക്കിയത്.അപകടത്തെ തുടര്‍ന്ന് ദേശീയ പാതയില്‍ ഏറെ നേരം ഗതാഗതം തടസപ്പെട്ടു.
.webp)
.webp)
.webp)
.jpeg)
0 Comments