കിടങ്ങൂരില്‍ നിന്നും കാണാതായ അംഗന്‍വാടി അധ്യാപികയെ കണ്ടെത്താനുള്ള തെരച്ചില്‍ തുടരുന്നു

കിടങ്ങൂരില്‍ നിന്നും കാണാതായ അംഗന്‍വാടി അധ്യാപികയെ കണ്ടെത്താനുള്ള തെരച്ചില്‍ തുടരുന്നു. കിടങ്ങൂര്‍ സൗത്തില്‍ ചെക്ക്ഡാമിനു സമീപം വാടക വീട്ടില്‍ ഭര്‍ത്താവിനെപ്പം താമസിച്ചിരുന്ന പുഷ്പകുമാരിയെ തിങ്കളാഴ്ച മുതലാണ് കാണാതായത്. ബന്ധുവീടുകളിലും മറ്റും അന്വേഷണം നടത്തിയെങ്കിലും യുവതിയെ കണ്ടെത്താന്‍ കഴിഞ്ഞില്ല. കിടങ്ങൂര്‍ ചെക്ക്ഡാമിനു സമീപം മീനച്ചിലാറില്‍ ഫയര്‍ ഫോഴ്‌സ് സംഘമെത്തി തെരച്ചില്‍ നടത്തി. കിടങ്ങൂര്‍ പോലീസും, ബന്ധുക്കളും അന്വേഷണം തുടരുകയാണ്.