കൂടല്ലൂര്‍ സെന്റ് ജോസഫ് യു.പി സ്‌കൂളിലെ അധ്യാപക ദിനാഘോഷം

അറിവിന്റെ ലോകത്തേക്ക് പുതുതലമുറയെ കൈപിടിച്ച് നടത്തുന്ന എല്ലാ അധ്യാപകര്‍ക്കും  ആശംസകള്‍  അര്‍പ്പിച്ചുകൊണ്ട്  കൂടല്ലൂര്‍ സെന്റ് ജോസഫ് യു.പി സ്‌കൂളിലെ കുട്ടികള്‍ അധ്യാപക ദിനാഘോഷം നടത്തി.  വിരമിച്ച സ്‌കൂള്‍ മാനേജര്‍  റവ. ഫാ. ജോസ് പുത്രികയില്‍,  കൂടല്ലൂര്‍ സെന്റ് ജോസഫ് യു.പി സ്‌കൂളില്‍ നിന്നും വിരമിച്ച അധ്യാപകര്‍ എന്നിവരെ പങ്കെടുപ്പിച്ചു കൊണ്ടാണ് അധ്യാപക ദിനം ആഘോഷിച്ചത്. കുട്ടികള്‍ അധ്യാപകര്‍ക്ക് പൂച്ചെണ്ടുകള്‍ നല്‍കി അധ്യാപകരെ വേദിയിലേക്ക് ആനയിച്ചു.  സ്‌കൂള്‍ ലീഡര്‍ ജോയല്‍ എബി സ്വാഗതമാശംസിച്ചു. ഏഴാം ക്ലാസിലെ കുട്ടികള്‍ ഗുരുവന്ദനം നടത്തി.  സ്‌കൂളില്‍ നിന്നും വിരമിച്ച അധ്യാപകരെ പൊന്നാട അണിയിച്ച് ആദരിച്ചു. ഇപ്പോള്‍ സ്‌കൂളില്‍ പഠിപ്പിച്ചു കൊണ്ടിരിക്കുന്ന അധ്യാപകരെക്കുറിച്ച് ഓരോ കുട്ടികളും സംസാരിച്ചു. അധ്യാപര്‍ക്ക് കുട്ടികള്‍ സമ്മാനങ്ങളും നല്‍കി. സ്‌കൂള്‍ ഹെഡ്മിസ്ട്രസ് സിസ്റ്റര്‍ ജോണ്‍സിയ കൃതജ്ഞതാ പ്രകാശനം നടത്തി അദ്ധ്യാപകരും കുട്ടികളും ഒരുമിച്ച് വിശ്രമ ജീവിതം നയിക്കുന്ന അധ്യാപകരെ സന്ദര്‍ശിച്ച് ആദരങ്ങള്‍ അര്‍പ്പിച്ചു.