ഏറ്റുമാനൂര്‍ പടിഞ്ഞാറേ നട റസിഡന്റസ് അസോസിയേഷന്റെ പ്രവര്‍ത്തന ഉദ്ഘാടനം കൊച്ചിന്‍ സ്മാര്‍ട്ട് സിറ്റി സിഇഒ, ഷാജി. വി. നായര്‍ ഐ.എ.എസ് നിര്‍വഹിച്ചു. ഏറ്റുമാനൂര്‍ ടൗണ്‍ എന്‍എസ്എസ് കരയോഗം ഹാളില്‍ നടന്ന ഉദ്ഘാടന ചടങ്ങില്‍ പടിഞ്ഞാറേ നട റസിഡന്‍സ് അസോസിയേഷന്‍ പ്രസിഡന്റും വാര്‍ഡ് കൗണ്‍സിലറുമായ സുരേഷ് വടക്കേടം അധ്യക്ഷനായിരുന്നു. ആര്‍ട്ട് ഡയറക്ടര്‍ ഗായത്രി അശോകന്‍ മുഖ്യ പ്രഭാഷണം നടത്തി. മുനിസിപ്പല്‍ കൗണ്‍സിലര്‍ ഉഷ സുരേഷ്, അസോസിയേഷന്‍ ഭാരവാഹികളായ സജീവ് കണ്മണി, ഹരിപ്രസാദ് തുടങ്ങിയവര്‍ പ്രസംഗിച്ചു. യോഗത്തില്‍ എസ്എസ്എല്‍സി, പ്ലസ് ടു പരീക്ഷയില്‍ മികച്ച വിജയം കൈവരിച്ച വിദ്യാര്‍ത്ഥികളെയും ഏറ്റുമാനൂര്‍ നഗരസഭയുടെ 33, 34, 35 വാര്‍ഡുകളിലെ ഹരിത കര്‍മ്മ സേന അംഗങ്ങളെയും ആശാവര്‍ക്കര്‍മാരെയും ആദരിച്ചു. പൂക്കളം ഒരുക്കിയും ഓണസദ്യ വിളമ്പിയും വിവിധ കലാപരിപാടികള്‍ക്ക് വേദി ഒരുക്കിയുമായിരുന്നു അസോസിയേഷന്‍ രൂപീകരണചടങ്ങുകള്‍.
.jpg)
0 Comments