ക്യാമ്പോണം 2023 സംഘടിപ്പിച്ചു.

പ്രവിത്താനം സെന്റ് മൈക്കിള്‍സ് ക്യാമ്പോണം 2023 സംഘടിപ്പിച്ചു. കുട്ടികളുടെ ഐടി കൂട്ടായ്മയായ ലിറ്റില്‍ കൈറ്റ്‌സിന്റെ ആഭിമുഖ്യത്തില്‍  പൊതുവിദ്യാഭ്യാസ വകുപ്പ് ആണ് ക്യാമ്പ് സംഘടിപ്പിച്ചത്. സ്വതന്ത്ര സോഫ്റ്റ് വയറുകള്‍ ഉപയോഗിച്ച്  ലിറ്റില്‍ കൈറ്റ്‌സ് അംഗങ്ങള്‍ വിവിധതരം ഡിജിറ്റല്‍ ഓണാഘോഷ പരിപാടികള്‍ തയ്യാറാക്കി. സ്‌ക്രാച്ച് ഉപയോഗിച്ചുള്ള ചെണ്ടമേളവും പ്രോഗ്രാമിംഗ് അധിഷ്ഠിത പൂക്കള മത്സരവും ആനിമേഷന്‍ ഊഞ്ഞാലാട്ടവും എല്ലാം കുട്ടികള്‍ക്ക് നവ്യ അനുഭവവുമായി മാറി. മഹാത്മാഗാന്ധി നാഷണല്‍ ഫൗണ്ടേഷന്‍ ചെയര്‍മാന്‍ എബി ജെ. ജോസ് ക്യാമ്പ് ഉദ്ഘാടനം ചെയ്തു. സ്‌കൂള്‍ ഹെഡ്മാസ്റ്റര്‍ അജി. വി. ജെ യോഗത്തില്‍ അധ്യക്ഷത വഹിച്ചു. ജിനു  ജെ .വല്ലനാട്ട്, ജോജി മോന്‍ വട്ടപ്പലം എന്നിവര്‍ ക്യാമ്പിന് നേതൃത്വം നല്‍കി. ലിറ്റില്‍ കൈറ്റ്‌സ് ട്രെയിനര്‍ ജോളി പി ചെറിയാന്‍ ക്ലാസ് നയിച്ചു.