അരുവിത്തുറ സെന്റ് ജോര്‍ജസ്സ് കോളേജില്‍ നിര്‍മ്മാണം പൂര്‍ത്തിയാക്കിയ പുതിയ ബ്ലോക്കുകളുടെ ആശീര്‍വാദം ശനിയാഴ്ച നടക്കും.

 അരുവിത്തുറ സെന്റ് ജോര്‍ജസ്സ് കോളേജില്‍ നിര്‍മ്മാണം പൂര്‍ത്തിയാക്കിയ പുതിയ ബ്ലോക്കുകളുടെ ആശീര്‍വാദം ശനിയാഴ്ച നടക്കും. സാന്റാ സോഫിയാ ലൈബ്രറി ബ്ലോക്കിന്റെയും സെന്റ് എഫ്രേം പി.ജി ആന്റ് സയന്‍സ് ബ്ലോക്കിന്റെയും, ക്യാന്റീന്‍  ബ്ലോക്കിന്റെയും ആശീര്‍വാദവും ഉദ്ഘാടനവും  ശനിയാഴ്ച ഉച്ചകഴിഞ്ഞ് 3 ന് പാലാ രൂപതാദ്ധ്യക്ഷന്‍ മാര്‍ ജോസഫ് കല്ലറങ്ങാട്ട് നിര്‍വഹിക്കും. ചടങ്ങില്‍ കോളേജ് മാനേജര്‍  റവ.ഡോ അഗസ്റ്റ്യന്‍ പാലക്കാപറമ്പില്‍, ആന്റോ ആന്റണി M.P  സെബാസ്റ്റ്യന്‍ കുളത്തുങ്കല്‍, M.L.A, മുന്‍ എം.എല്‍.എ മാരായ പി.സി.ജോര്‍ജ്ജ് , വി.ജെ ജോസഫ്, കോളേജ് പ്രിന്‍സിപ്പല്‍ പ്രൊഫ. ഡോ സിബി ജോസഫ്, ബര്‍സാറും കോഴ്‌സ് കോ-ഓര്‍ഡിനേറ്ററുമായ റവ.ഫാ ബിജു കുന്നക്കാട്ട്, വൈസ് പ്രിന്‍സിപ്പല്‍ ഡോ ജിലു ആനി ജോണ്‍ തുടങ്ങിയവര്‍ പങ്കെടുക്കും . ഏഴു കോടിയോളം രൂപ മുതല്‍ മുടക്കി അത്യാധുനിക സംവിധാനങ്ങളോടെയാണ് കെട്ടിടങ്ങള്‍ നിര്‍മ്മിച്ചിരിക്കുന്നത് പുതിയ ബ്ലോക്കുകളുടെ പ്രവര്‍ത്തനം ആരംഭിക്കുന്നതോടെ രാജ്യാന്തര നിലവാരത്തിലേക്ക് അരുവിത്തുറ സെന്റ് ജോര്‍ജസ്സ് കോളേജ് ഉയരും.