കായികതാരങ്ങള്‍ക്ക് സ്വീകരണം നല്കി

സംസ്ഥാന സ്‌കൂള്‍ കായിക മേളയില്‍ 100 മീറ്റര്‍ റെയ്സില്‍ ഗോള്‍ഡ് മെഡല്‍ നേടിയ അല്‍ഫോന്‍സാ ട്രീസ ടെറിനും ഹാമര്‍ ത്രോയില്‍ മൂന്നാം സ്ഥാനം നേടിയ ആന്‍മരിയ ടെറിനും ജന്‍മനാടായ കുന്നോന്നിയില്‍ ഉജ്ജ്വല സ്വീകരണം. കുന്നോന്നി സെന്റ് ജോസഫ്‌സ് upട ഓഡിറ്റോറിയ ത്തില്‍ നടന്ന സ്വീകരണ സമ്മേളനം സെബാസ്റ്റ്യന്‍ കുളത്തിങ്കല്‍ MLA ഉദ്ഘാടനം ചെയ്തു. ആന്‍മരിയ അത്ലറ്റിക്ക് ഫെഡറേഷന്‍ ഓഫ് ഇന്‍ഡ്യയുടെ നാഷണല്‍ ഗോള്‍ഡ് മെഡല്‍ വിന്നറുംകൂടിയാണ്. സമ്മേളനത്തില്‍ ജനമൈത്രി റെസിഡന്‍സ് കൗണ്‍സില്‍ പ്രസിഡന്റ് പ്രസാദ് കുരുവിള അദ്ധ്യക്ഷത വഹിച്ചു. പഞ്ചായത്ത് അംഗങ്ങളായ ബീന മധുമോഹന്‍, ആനിയമ്മ സണ്ണി, നിഷ സാനു, വിവിധ സംഘടന-സമുദായങ്ങളെ പ്രതിനിധീകരിച്ച് ഫാ. ജോര്‍ജ്ജ് പുതിയാപറമ്പില്‍, സിസ്റ്റര്‍ കാതറിന്‍, സന്തോഷ് കീച്ചേരില്‍, വിജേഷ് പി.വി., ജോര്‍ജ്ജ് സെബാസ്റ്റ്യന്‍, ജാന്‍സ് വയലികുന്നേല്‍, രാജേഷ് കുഴിപറമ്പില്‍, ലെല്‍സ് വയലികുന്നേല്‍, രാജീഷ് പുതുപറമ്പില്‍, ജോണി മുണ്ടാട്ട്, ടെറിന്‍ അലക്സ് എന്നിവര്‍ പ്രസംഗിച്ചു.  ആന്‍ മരിയ ടെറിനും, അല്‍ഫോന്‍സാ ട്രീസയും മറുപടി പ്രസംഗം നടത്തി.