ഗോള്‍ ചലഞ്ചുമായി Wave against Drugs ലഹരി വിമുക്തി ക്യാമ്പെയ്‌ന് തുടക്കം. പാലാ രൂപതയുടെ ആഭിമുഖ്യത്തില്‍ നടത്തുന്ന ലഹരിമുക്ത ക്യാമ്പയിന്‍ 'Wave' ന്റെ ഉദ്ഘാടനം പാലാ സെന്റ് തോമസ് ഹയര്‍സെക്കന്‍ഡറി സ്‌കൂളില്‍ രൂപതാ അധ്യക്ഷന്‍ അഭിവന്ദ്യ മാര്‍ ജോസഫ് കല്ലറങ്ങാട്ട് നിര്‍വഹിച്ചു. ലഹരിയുടെ ഉപയോഗം ഒരു പകര്‍ച്ചവ്യാധിയാണെന്നും അത് ഒരുവനെ തടവറയില്‍ ആക്കുക യാണെന്നും ബിഷപ് പറഞ്ഞു. ലഹരി മുക്ത പാലായാണ് ലക്ഷ്യം എന്നും ബിഷപ് പറഞ്ഞു. Wave ഉദ്ഘാടനത്തോടനുബന്ധിച്ച് Goal challenge ന്റെ ആദ്യ ഗോള്‍ കിക്ക് പാലാ ഡി.വൈ.എസ്.പി. എ.ജെ.തോമസ് എടുത്തു. പാലാ രൂപതയിലെ എല്ലാ സ്‌കൂളുകളിലും ഈ ലഹരി വിരുദ്ധ ക്യാമ്പയിന്‍ നടത്തും. ജീവിതം ലഹരി ആകണം എന്നതാണ് ഈ ക്യാമ്പയിന്റെ മുഖ്യ ലക്ഷ്യം. കെ.സി.എസ്.എല്‍ പാലാ രൂപത ഡയറക്ടര്‍ ഫാ. ജോര്‍ജ് പുല്ലുകാലായില്‍, പാലാ കോര്‍പ്പറേറ്റ് എജ്യൂക്കേഷനല്‍ ഏജന്‍സി സെക്രട്ടറി ഫാ. ബര്‍ക്കുമാന്‍സ് കുന്നുംപുറം, കെ.സി.എസ്.എല്‍ പ്രസിഡന്റ് ജിജോ മാത്യു, പ്രിന്‍സിപ്പല്‍ റെജി മാത്യു, ഹെഡ്മാസ്റ്റര്‍ റെജി സെബാസ്റ്റ്യന്‍, കെ.സി.എസ്.എല്‍ ചെയര്‍മാന്‍ മാസ്റ്റര്‍ അലന്‍ തോമസ് എന്നിവര്‍ സമ്മേളനത്തില്‍ സംസാരിച്ചു.
.webp)
0 Comments