കിടങ്ങൂര്‍ ഗ്രാമപഞ്ചായത്തിലെ കട്ടച്ചിറയില്‍ സ്നേഹാരാമം പദ്ധതിയ്ക്ക് തുടക്കമായി. കിടങ്ങൂര്‍ എന്‍.എസ്.എസ് ഹയര്‍സെക്കന്ററി സ്‌ക്കൂളിലെ എന്‍.എസ്.എസ് യൂണിറ്റിന്റെ നേതൃത്വത്തിലാണ് കട്ടച്ചിറയില്‍ സ്നേഹാരാമം പദ്ധതി നടപ്പാക്കുന്നത്. കിടങ്ങൂര്‍-ഏറ്റുമാനൂര്‍ റോഡരികിലെ മാലിന്യം നിറഞ്ഞ സ്ഥലം വൃത്തിയാക്കി ചെടികള്‍ നട്ടുപിടിപ്പിച്ച് സൗന്ദര്യവത്കരണം നടത്തുന്ന പദ്ധതിയാണ് വിദ്യാര്‍ത്ഥികളുടെ നേതൃത്വത്തില്‍ നടപ്പാക്കുന്നത്. പദ്ധതിയുടെ ഉദ്ഘാടനം കിടങ്ങൂര്‍ ഗ്രാമപഞ്ചായത്ത് പ്രസിഡന്റ് തോമസ് മാളിയേക്കല്‍ നിര്‍വ്വഹിച്ചു.ഗ്രാമപഞ്ചായത്ത് വൈസ് പ്രസിഡന്റ് രശ്മി രാജേഷ് ,പഞ്ചായത്ത് സെക്രട്ടറി രാജീവ് എസ്.കെ, സ്‌കൂള്‍ എന്‍.എസ്.എസ് ചാര്‍ജ്ജ് ഓഫീസര്‍ ആശ എം.കെ, അമ്പിളി ആര്‍, വികസനകാര്യ സ്റ്റാന്‍ഡിംഗ് കമ്മറ്റി ചെയര്‍മാന്‍ സുരേഷ് പി.ജി,ക്ഷേമകാര്യ സ്റ്റാന്‍ഡിംഗ്് കമ്മറ്റി ചെയര്‍പേഴ്സണ്‍ ദീപലത, ആരോഗ്യ വിദ്യാഭ്യാസ സ്റ്റാന്‍ഡിംഗ് കമ്മറ്റി ചെയര്‍മാന്‍ സനല്‍കുമാര്‍ പി.റ്റി, പഞ്ചായത്ത് അസി. സെക്രട്ടറി അനീഷ് കുമാര്‍ തുടങ്ങിയവര്‍ സംസാരിച്ചു. പഞ്ചായത്തിലെ മൂന്നാമത്തെ സ്നേഹാരാമം പദ്ധതിയാണ് കട്ടച്ചിറയില്‍ ഉദ്ഘാടനം ചെയ്തത്. മാലിന്യങ്ങള്‍ കൂടിക്കിടന്ന കിടങ്ങൂര്‍ ബസ് ബേ, ചേര്‍പ്പുങ്കല്‍ ഹൈവേ ജംഗ്ഷന്‍ എന്നിവിടങ്ങളില്‍ സ്നേഹാരാമം പദ്ധതി നടപ്പാക്കിയിരുന്നു.
.webp)
0 Comments