മേലുകാവ് സി.എസ്.ഐ ഈസ്റ്റ് കേരള മഹായിടവകയുടെ 41 -ാമത് കണ്‍വന്‍ഷന്‍ ഫെബ്രുവരി 4 മുതല്‍ 11 വരെ ചാലമറ്റം ബേക്കര്‍ഡേല്‍ എം.ഡി.സി.എം.എസ് ഹൈസ്‌കൂള്‍ മൈതാനത്തു നടക്കും. ഫെബ്രുവരി 4-ാം തീയതി വൈകിട്ട് 6ന്, ഈസ്റ്റ് കേരള മഹായിടവക ബിഷപ്പ് റൈറ്റ് റവ. വി.എസ്. ഫ്രാന്‍സിസ് ഉദ്ഘാടനം ചെയ്യും. ബിഷപ്പ് ഡോ. കെ.ജി.ദാനിയേല്‍ പ്രാര്‍ത്ഥനയ്ക്കു നേതൃത്വം നല്‍കും. മാര്‍ത്തോമ്മാ സഭ വികാരി ജനറല്‍ റവ. കെ.വൈ.ജേക്കബ്, റവ. വില്ല്യം ഏബ്രഹാം, റവ.ഡോ. മോത്തി വര്‍ക്കി , റവ.ഡോ. വിനോദ് സൈലസ് റവ. വിജു വര്‍ക്കി ജോര്‍ജ് റവ. എസ്.എം.പ്രസാദ് ദാസ് , രേണു മാമ്മന്‍, ബെഞ്ചമിന്‍ മോസ്സസ്, തോമസ് വര്‍ഗ്ഗീസ് എന്നിവര്‍ വിവിധ യോഗങ്ങളില്‍ പ്രസംഗിക്കും. ആത്മാവില്‍ ആരാധന ദൈവ പ്രസാദം എന്നതാണ് കണ്‍വന്‍ഷന്‍ ചിന്താവിഷയം. ദിവസവും രാവിലെ 10നും ഉച്ചയ്ക്കു 2നും വൈകീട്ട് 6നും യോഗങ്ങള്‍ നടക്കും.ഓരോ ദിവസത്തെയും ആരാധനകള്‍ക്ക് വിവിധ വൈദിക ജില്ലകള്‍ നേതൃത്വം നല്‍കും. 11 -ാം തീയതി ഞായര്‍ രാവിലെ 10ന് കണ്‍വന്‍ഷന്‍ പന്തലില്‍ വിശുദ്ധ സംസര്‍ഗ ശുശ്രൂഷയും നടക്കുമെന്ന് മഹായിടവക അല്‍മായ സെക്രട്ടറി വര്‍ഗ്ഗീസ് ജോര്‍ജ്, വൈദിക സെക്രട്ടറി റവ. ടി.ജെ. ബിജോയ്, ട്രഷറര്‍ വി.പി.സി. മാത്യുക്കുട്ടി, റജിസ്ട്രാര്‍ ടി. ജോയ്കുമാര്‍, ജനറല്‍ കണ്‍വീനര്‍മാരായ റവ. ജോണി ജോസഫ്, റവ. മാക്‌സിന്‍ ജോണ്‍, പി.ജെ.ജോര്‍ജ്കുട്ടി, പബ്ലിസിറ്റി കണ്‍വീനര്‍ റവ. ജെഫേഴ്‌സണ്‍ പി.ജോണ്‍സണ്‍, പി.ആര്‍.ഒ മാരായ വിജു പി.ചാക്കോ, റോബിന്‍ ഐസക് എന്നിവര്‍ വാര്‍ത്താ സമ്മേളനത്തില്‍ അറിയിച്ചു.
.webp)
.webp)
.webp)
.jpeg)
0 Comments