കാണക്കാരിയില്‍ കാര്‍ തീപിടിച്ച് കത്തി നശിച്ചു. കാണക്കാരി അമ്പലത്തിനു സമീപം മഞ്ഞക്കാലാപ്പടിയില്‍ ഉച്ചയ്ക്ക് രണ്ടു മണിയോടെയായിരുന്നു സംഭവം. വയലില്‍ ഉണ്ണിക്കൃഷ്ണന്‍ നായരുടെ ഫോര്‍ഡ് ഫിഗോ കാറാണ് കത്തിനശിച്ചത്. ഏറ്റുമാനൂര്‍ ക്ഷേത്രത്തില്‍ പോയി മടങ്ങിയെത്തിയ ഉണ്ണികൃഷ്ണന്‍ നായരും കുടുംബാംഗങ്ങളും വീടിനു സമീപം റോഡില്‍ കാറില്‍ നിന്നിറങ്ങിയ സമയത്താണ് തീ ഉയരുന്നതു കണ്ടത്. കാറോടിച്ചിരുന്ന ഉണ്ണികൃഷ്ണന്‍ നായരും വാഹനത്തില്‍ നിന്നു പുറത്തിറങ്ങിയപ്പോഴേക്കും തീ ആളിപ്പടര്‍ന്നിരുന്നു. വാഹനം കത്തിനശിച്ചെങ്കിലും മിനിട്ടുകളുടെ വത്യാസത്തില്‍ യാത്രികര്‍ക്ക് രക്ഷപ്പെടാന്‍ കഴിഞ്ഞതിലുള്ള ആശ്വാസത്തിലാണ് കുടുംബം.
.webp)
.webp)
.webp)
0 Comments